Разам з пачаткам каляндарнай зімы ў Еўропу прыйшоў снег.
Наймацнейшыя снегапады абрынуліся на Германію. З-за гэтага былі парушаны чыгуначныя зносіны на поўдні краіны, былі выпадкі абрываў ліній электраперадачы, некаторыя населеныя пункты аказаліся недаступны з-за занесеных снегам дарог. А ў аэрапорце Мюнхена за тры дні прыбралі столькі снегу, колькі звычайна прыбіраюць за ўсю зіму.
На поўначы Францыі з-за дрэў, якія не вытрымалі вагу назапашанага на іх снегу, таксама здарыліся абрывы ліній электраперадачы.
Некалькі еўрапейскіх аэрапортаў на выхадных адмянілі або затрымалі рэйсы з-за снежнага шторму, які таксама перашкодзіў працы грамадскага транспарту ў Германіі, Аўстрыі, Швейцарыі і Чэхіі.
У Швейцарыі і Аўстрыі ўлады папярэджваюць аб высокай пагрозе сходу лавін з-за моцнага снегападу. А ў Чэхіі асноўная аўтамагістраль D1 і некалькі іншых дарог аказаліся заблакіраваныя на працягу некалькіх гадзін.
А вось на спорт непагадзь не паўплывала: футбольны матч нямецкай Бундэслігі паміж "Аўгсбургам" і "Айнтрахтам" у баварскім горадзе Аўгсбург не адмянілі, роўна як і матч паміж ЦСКА і "Ростовом". Хаця рашэнне правесці апошні галоўны трэнер "Ростова" Валерый Карпін назваў "забойствам футбола". Каб падрыхтаваць поле да матча, пачатак сустрэчы перанеслі на паўгадзіны і задзейнічалі спецтэхніку.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"