МІНСК, 7 сне – Sputnik. Глабальная сістэма эканамічных адносін перажывае этап карэнных і незваротных змен, заявіў прэзідэнт Расіі Уладзімір Пуцін на 14-м інвестфоруме "ВТБ" "Россия зовет!".
"Яны (змяненні - Sputnik) звязаны з тым, што на змену ранейшай мадэлі глабалізацыі прыходзіць шматпалярная мадэль", - сказаў кіраўнік расійскай дзяржавы.
Пуцін таксама сфармуліраваў задачы ў фінансава-эканамічнай сферы для Расіі на бліжэйшыя гады. Напрыклад, ён даручыў ураду і "Внешэкономбанку" як мага хутчэй запусціць інвестпраекты ў рамках праграмы фондаў акцыянерных капіталаў.
Акрамя таго, РФ мае намер прыцягнуць не менш чым 250 млрд расійскіх рублёў (8,7 млрд у беларускіх - Sputnik) у першы год праграмы доўгатэрміновых зберажэнняў грамадзян. Гэта будуць "доўгія грошы" на праекты з вялікім тэрмінам акупнасці. У прыватнасці, яны пойдуць на стварэнне інфраструктуры, лагістычных калідораў і да таго падобнае.
"Неабходна стварыць самую шырокую лінейку інструментаў для фінансавання інвестыцый, разлічаных на любы маштаб – ад малых прадпрыемстваў да буйных, найбуйнейшых сістэмаўтваральных кампаній. Што вельмі важна, гэтыя інструменты павінны быць настроены на спецыфіку бізнесу, улічваць фазу яго развіцця і, вядома, асаблівасці той сферы, у якой ён працуе, дзе рэалізуюцца планы таго ці іншага бізнесу", - агучыў яшчэ адно даручэнне Пуцін.
Іпатэка
Прэзідэнт Расіі звярнуў увагу на спрэчку Цэнтрабанка РФ і ўрада наконт іпатэкі. Стаіць задача не перагрэць рынак. Ідзе пошук вырашэння гэтага пытання. Пуцін нагадаў, што ў іншых краін ужо быў сумны вопыт.
"Мы стараемся ўлічваць увесь вопыт, у тым ліку і негатыўны, каб нічога падобнага ў нашай эканоміцы не адбывалася", - заявіў ён.
Прэзідэнт таксама сказаў, што трэба распаўсюдзіць механізм страхавання на доўгатэрміновыя індывідуальныя інвестыцыйныя рахункі.
"Тут максімальная сума страхавога пакрыцця будзе складаць 1,4 млн рублёў (48,7 тыс беларускіх - Sputnik) на чалавека, гэта значыць столькі ж, колькі для банкаўскіх укладаў", - растлумачыў Пуцін.
Расія, наперад!
На яго думку, расійская эканоміка – найбуйнейшая ў Еўропе і апярэджвае па тэмпах росту асноўных гульцоў Еўрасаюза.
"Мы даказалі, што здольны адказваць на самыя складаныя выклікі", - упэўнен прэзідэнт РФ.
Ён паведаміў, што ў студзені-лістападзе 2023 года дэфіцыт бюджэту склаў 878 млрд расійскіх рублёў (больш за 30,5 млрд беларускіх - Sputnik). Пры гэтым першапачаткова ён прымаўся з дэфіцытам у 2,9 трлн расійскіх рублёў (109 млрд беларускіх), гэта значыць у 2% ВУП. Цяпер, калі год амаль завершаны, паводле слоў Пуціна, рэальны дэфіцыт склаў толькі 0,5% ВУП.
Прычым гаворка ідзе аб федэральным бюджэце, а кансалідаваны (федэральны і мясцовыя ў суме) наогул складаецца без дэфіцыту. У любым выпадку бюджэтны дэфіцыт у Расіі пакрываецца за кошт уласных сродкаў.
Важна і тое, што знешнія крыніцы крэдытавання для расійскіх кампаній заменены ўнутранымі.
Больш не бензакалонка
Эканамічны рост РФ, як адзначыў Пуцін, усё больш звязаны з несыравіннымі сектарамі.
"Гэта апрацоўваючыя вытворчасці, транспарт, лагістыка, будаўніцтва, інфармацыя, сувязь, жыллёва-камунальная гаспадарка. Напрыклад, у другім квартале бягучага года на іх долю прыпала больш за палову – 54%, калі быць больш дакладным – росту эканомікі", - паведаміў прэзідэнт.
Больш за тое, яшчэ 44% – гэта гандаль, грамадскае харчаванне і іншыя паслугі. Толькі 2% росту забяспечыла здабыча карысных выкапняў.
Захад і Расія
Еўрапейскія юрысдыкцыі, як лічыць Пуцін, перасталі быць "ціхай гаванню" для прадпрымальнікаў, і зараз там дзейнічае прынцып "свой – чужы".
"Чужога можна абабраць, пакінуць ні з чым, а яго актывы, кампаніі, прадпрыемствы можна заблакіраваць, адабраць і нават ліквідаваць у выніку дыверсіі, як гэта было з "Паўночным патокам"… Вось як зараз выглядае канкурэнтная барацьба ў свеце, заснаваным на правілах. Каму патрэбны такія правілы?" - задаў пытанне расійскі прэзідэнт.
На гэтым фоне ў Расіі вырасла колькасць замежных кампаній. Калі на 1 сакавіка 2022 года іх было 24,1 тыс, то на 1 лістапада 2023 года – 25,6 тысячы. Пуцін запэўніў, што заходнія інвестары "разумныя людзі", якія "нябачна і так тут прысутнічаюць".
Пуцін нагадаў, што некаторыя эксперты прагназіравалі спыненне развіцця расійскіх банкаў з-за санкцый. Аднак у рэальнасці гэты сектар працуе стабільна і ўстойліва. У банкаў РФ ёсць значны запас трываласці. Яны павялічваюць крэдытаванне рэальнага сектара.
Вашынгтон, як адзначыў Пуцін, меркаваў, што ЗША павінны стаяць на чале глабалізацыі і дзяліцца з саюзнікамі. На практыцы Штаты эксплуатуюць саюзнікаў. Больш за тое, заходнія эліты самі ж дайшлі да таго, каб адмяніць прынцыпы рыначнай эканомікі.
Таксама намаганнямі Захаду перакрэслены такія непарушныя пастулаты, як права ўласнасці. Дзеянні гэтых краін разбураюць сістэмы фінансавых, гандлёвых, гаспадарчых адносін, якія выбудоўваліся дзесяцігоддзямі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Расія і Саудаўская Аравія апублікавалі сумесную заяву
Беларусь і Расія падрыхтавалі новы інтэграцыйны пакет на 2024-2026 гады
Пуцін: пагрозы бяспецы ў свеце ўмацоўваюць адносіны Расіі і КНР