МІНСК, 9 сне – Sputnik. Міністр замежных спраў Расіі Сяргей Лаўроў павіншаваў калектыў "России сегодня" і яе генеральнага дырэктара Дзмітрыя Кісялёва з 10-годдзем медыягрупы.
"Медыягрупа па праве займае перадавыя пазіцыі сярод айчынных СМІ. Дастойна прадстаўляе нашу краіну на міжнароднай арэне, выпускаючы шырокі спектр прадуктаў навін на 30 мовах і актыўна супрацоўнічае больш як са 100 замежнымі партнёрамі", - гаворыцца ў віншавальным лісце Лаўрова.
Міністр асабліва адзначыў, што ў эпоху беспрэцэдэнтнага націску на расійскія медыя за мяжой калектыў "России сегодня" "працягвае адпавядаць высокім прафесійным стандартам сумленнай журналістыкі".
"На Смаленскай плошчы даражаць нашымі добрымі таварыскімі адносінамі. Разлічваем на іх далейшае развіццё і ўмацаванне ў мэтах эфектыўнага інфармацыйнага суправаджэння знешнепалітычнага курсу Расіі", - падкрэсліў Лаўроў.
Ён пажадаў Дзмітрыю Кісялёву і ўсім супрацоўнікам "России сегодня" здароўя, новых творчых поспехаў і ўсяго самага добрага.
Міжнародная медыягрупа "Россия сегодня" аб’ядноўвае рускамоўныя інфармацыйныя рэсурсы: РІА Навіны, радыё Sputnik, ПРАЙМ, "ИноСМИ", Baltnews, Украіна.ру, Сацыяльны навігатар, КОТ і Arctic.ru. За мяжой яна прадстаўлена міжнародным агенцтвам навін і радыё Sputnik.
Адным з асноўных прадуктаў медыягрупы з’яўляюцца інфармацыйныя стужкі на рускай, англійскай, кітайскай, іспанскай, арабскай мовах і фарсі. "Россия сегодня" – найбуйнейшы расійскі вытворца інфармацыйных прадуктаў, арыентаваных на міжнародную аўдыторыю, дзелавую супольнасць, дзяржаўныя структуры і самае шырокае кола карыстальнікаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"