МІНСК, 9 сне – Sputnik. Старшыня ўрада Расіі Міхаіл Мішусцін павіншаваў калектыў медыягрупы "Россия сегодня" з 10-гадовым юбілеем, пажадаўшы яму "новых творчых ідэй, далейшых поспехаў і перамог, моцнага здароўя і дабрабыту".
Прэм’ер падкрэсліў, што медыягрупа "ўпэўнена займае лідзіруючыя пазіцыі і задае высокія журналісцкія стандарты ў медыяпрасторы нашай краіны і за яе межамі", а яе навінавыя рэсурсы у кругласутачным рэжыме "на дзесятках моў даюць шырокай аўдыторыі чытачоў і радыёслухачоў дакладную і аб’ектыўную інфармацыю аб важнейшых падзеях ва ўсім свеце".
"Россия сегодня" – гэта прафесійная каманда рэдактараў, публіцыстаў, аглядальнікаў, карэспандэнтаў і аператараў, чые матэрыялы штодзень чытаюць і слухаюць сотні тысяч чалавек. У вашых перадачах гучаць розныя меркаванні, і гэта дапамагае аўдыторыі самастойна зрабіць высновы", - адзначыў Мішусцін.
Ён таксама падкрэсліў, што больш за сто міжнародных партнёраў, уключаючы агенцтвы, тэлеканалы і ўніверсітэты, бяруць удзел у маштабных праектах медыягрупы.
"Выкарыстанне самых перадавых тэхналогій дазваляе вам вырабляць якасны і запатрабаваны кантэнт у розных сучасных фарматах – сацыяльных сетках і мабільных дадатках", – дадаў прэмер-міністр РФ.
Міжнародная медыягрупа "Россия сегодня" аб’ядноўвае рускамоўныя інфармацыйныя рэсурсы: РІА Навіны, радыё Sputnik, ПРАЙМ, "ИноСМИ", Baltnews, Украіна.ру, Сацыяльны навігатар, КОТ і Arctic.ru. За мяжой яна прадстаўлена міжнародным агенцтвам навін і радыё Sputnik.
Адным з асноўных прадуктаў медыягрупы з’яўляюцца інфармацыйныя стужкі на рускай, англійскай, кітайскай, іспанскай, арабскай мовах і фарсі. "Россия сегодня" – найбуйнейшы расійскі вытворца інфармацыйных прадуктаў, арыентаваных на міжнародную аўдыторыю, дзелавую супольнасць, дзяржаўныя структуры і самае шырокае кола карыстальнікаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"