Спробы замежных спецслужбаў дэстабілізаваць грамадска-палітычную сітуацыю ў Расіі, падарваць грамадзянскі мір і міжнацыянальную згоду павінны жорстка спыняцца, заявіў расійскі лідар у відэазвароце з нагоды прафесійнага свята супрацоўнікаў спецслужбаў, якое адзначаецца сёння.
Таксама павінны жорстка спыняцца і спробы замежных спецслужбаў парушыць суверэннае права народа Расіі вызначаць сваю будучыню, падкрэсліў Пуцін.
Ён выказаў падзяку супрацоўнікам ФСБ, СЗР, ФСА і Галоўнага ўпраўлення спецыяльных праграм за іх прафесіяналізм, смеласць і зладжаную працу.
"За апошні год шмат зроблена для контрразведвальнага забеспячэння спецыяльнай ваеннай аперацыі, для абароны жыцця і бяспекі нашых грамадзян у Данецкай і Луганскай Народных рэспубліках, у Херсонскай і Запарожскай абласцях", - сказаў Пуцін.
Асабовы склад расійскіх спецслужбаў дзейнічае правільна і аператыўна ў цяперашніх умовах, калі краіна сутыкаецца з сур’ёзнымі выклікамі, заявіў прэзідэнт. Ён таксама падзякаваў ветэранам спецслужбаў за праведзеную імі работу ў папярэднія гады. Паводле слоў Пуціна, супрацоўнікі службаў – гэта людзі, якія "стаяць на варце суверэнітэту і канстытуцыйнага ладу краіны, абараняюць інтарэсы Расіі, правы і свабоды грамадзян, зрываюць варожыя планы замежных спецслужбаў".
Дзень работніка органаў бяспекі Расіі адзначаецца ў сераду. Гэта прафесійнае свята ўстаноўлена на падставе ўказа прэзідэнта РФ ад 20 снежня 1995 года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"