МІНСК, 20 сне – Sputnik. Беларускія школьнікі змогуць прыняць удзел у праекце Расійскага тэхналагічнага ўніверсітэта МІРЭА "Университетские субботы", гэта стане магчымым дзякуючы ўкараненню дыстанцыйнай формы правядзення заняткаў.
РТУ МІРЭА падвёў вынікі праекта "Университетские субботы" ў 2023 годзе.
Майстар-класы, лекцыі і практыкумы ў спецыялізаваных лабараторыях адной з вядучых ВНУ Расіі праходзілі з 30 верасня, а апошні ў гэтым годзе занятак адбудзецца 23 снежня. Па словах арганізатараў, удзел у праграме, якая прадугледжвае інтэрактыўныя ўрокі ў розных галінах навукі, прынялі 1 800 чалавек.
"Университетские субботы" ў РТУ МІРЭА
© Photo : РТУ МИРЭА
Усяго за тры месяцы прадстаўнікі ўніверсітэта падрыхтавалі 38 інтэрактыўных заняткаў па такіх тэмах, як матэматыка, фізіка, хімія, электроніка, лазерныя тэхналогіі, робататэхніка, IT-тэхналогіі, нанатэхналогіі, 3D-тэхналогіі, хемаінфарматыка, медыцына, генетыка, фармацэўтыка, біятэхналогіі і гэтак далей.
"Для нашых суботніх сустрэч са школьнікамі мы стараемся падбіраць найбольш прывабныя формы заняткаў, каб даць магчымасць рабятам папрацаваць і рукамі, і галавой, а таксама пазнаёміцца з універсітэтам і паназіраць за студэнцкім жыццём", - расказаў кіраўнік "Университетских суббот" у РТУ МІРЭА Уладзімір Кузняцоў.
У бягучым годзе каманда праекта істотна павялічыла колькасць майстар-класаў да 21, некаторыя з іх праводзіліся ў спалучэнні з экскурсіямі па лабараторыях з дэманстрацыяй сучаснага абсталявання. Акрамя таго, сёлета стала больш заняткаў з падвойнай формай правядзення – вочнай і дадаткова дыстанцыйнай.
"Университетские субботы" ў РТУ МІРЭА
© Photo : РТУ МИРЭА
Штогод універсітэт абнаўляе тэматыкі мерапрыемстваў, а таксама далучае да працы ў праекце новых выкладчыкаў. У РТУ МІРЭА адзначаюць, што ў 2024-м удзельнікаў чакаюць не менш цікавыя праграмы, чым у бягучым годзе.
Праект "Университетские субботы" быў створаны па ініцыятыве маскоўскага Дэпартамента адукацыі і навукі ў 2013 годзе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"