МІНСК, 21 сне – Sputnik. Расійскія войскі паспяхова пашыраюць зоны кантролю падчас правядзення спецыяльнай ваеннай аперацыі, аб гэтым заявіў начальнік Генштаба УС РФ – першы намеснік міністра абароны генерал арміі Валерый Герасімаў.
"Расійскія войскі паспяхова вядуць актыўную абарону, упэўнена ўтрымліваюць рубяжы на ўсёй лініі баявога судакранання, пастаянна пашыраюць зоны кантролю на ўсіх напрамках", - расказаў Герасімаў на брыфінгу для замежных ваенных аташэ ў чацвер.
Ён адзначыў, што расійскія вайскоўцы бесперапынна наносяць агнявое паражэнне праціўніку, гэта не дазваляе падраздзяленням УСУ прасоўвацца наперад.
Галоўнай задачай 2023 года Герасімаў назваў адбіццё контрнаступлення ўдарнай групоўкі УСУ. Па словах начальніка Генштаба, касцяк групоўкі складалі падрыхтаваныя і аснашчаныя заходнімі краінамі брыгады.
Маўклівая згода
Генерал арміі адзначыў, што кіеўскі рэжым, бачачы немагчымасць дасягнення сваіх мэт на поле бою, арганізуе тэракты. Робіцца гэта з маўклівай згоды, а то і пры актыўнай падтрымцы заходніх спецслужбаў.
"Кіеўскі рэжым, бачачы няздольнасць УСУ дасягнуць пастаўленых мэт на поле бою, працягвае прымяняць тэрарыстычныя метады барацьбы, якія ажыццяўляюцца пры маўклівай згодзе, а часцяком і пры падтрымцы заходніх спецслужбаў", - сказаў Герасімаў.
Ён адзначыў, што вялікі ўклад у вырашэнне задач Аб’яднанай групоўкі войск уносяць аператыўна-тактычная і вайсковая авіяцыя, якая дзейнічае ў любых умовах. Высокадакладнай зброяй за час правядзення СВА было знішчана каля 1 500 аб’ектаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Пуцін: Расія была адзіным гарантам суверэнітэту і цэласнасці Украіны
РСЗА "Град" сарвалі ратацыю ўкраінскіх вайскоўцаў на поўнач ад Арцемаўска
Нідэрландская журналістка: у Данбасе з HIMARS забіваюць дзяцей