МІНСК, 22 сне – Sputnik. Беларускі ўрад прыняў рашэнне зноў увесці ліцэнзаванне імпарту ў краіну драўнянастружкавых і драўнянавалакністых пліт, а таксама паперы, гэта прадугледжана пастановай Саўміна №905 ад 20 снежня, якая ў пятніцу афіцыйна апублікавана на Нацыянальным прававым інтэрнэт-партале.
Размова ідзе аб плітах драўнянастружкавых, плітах з арыентаванай стружкай (OSB), плітах драўнянавалакністых, а таксама аб паперы і кардоне шматслаёвых з усімі беленымі пластамі.
Такім чынам, цяпер гэтая прадукцыя будзе ўвозіцца ў Беларусь – як з краін ЕАЭС, так і з-за межаў саюза – толькі па разавых ліцэнзіях.
Выдаваць ліцэнзіі будзе МАРГ, але толькі пасля ўзгаднення з профільным канцэрнам "Беллеспаперапрам".
Разам з тым, дакументам прадугледжаны выпадкі, на якія гэтае рашэнне распаўсюджвацца не будзе.
Так, ліцэнзаванне не закране міжнародныя транзітныя перавозкі, тавары, якія паходзяць з дзяржаў-членаў ЕАЭС пры ўмове пацвярджэння іх паходжання адпаведным сертыфікатам, а таксама тавараў, кошт якіх у адпаведнасці з адным транспартным дакументам не перавышае суму, эквівалентную 200 еўра.
Пастанова дзейнічае на працягу шасці месяцаў пасля яе афіцыйнага апублікавання.
Нагадаем, што ўлады Беларусі і раней уводзілі такое патрабаванне. Ліцэнзаванні імпарту пліт драўнянастружкавых і драўнянавалакністых уводзілася ў верасні мінулага года і таксама дзейнічала паўгода, а затым у маі і таксама тэрмінам на шэсць месяцаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"