МІНСК, 25 сне – Sputnik. Дзяржавы-ўдзельніцы Еўразійскага эканамічнага саюза (ЕАЭС) падпісалі поўнафарматнае пагадненне аб свабодным гандлі з Іранам.
Гэты дакумент павінен замяніць часовае пагадненне аб зоне свабоднага гандлю, якое дзейнічала з 2019 года. Падпісанне адбылося ў панядзелак 25 снежня ў рамках пасяджэння Вышэйшага Еўразійскага эканамічнага савета ў Санкт-Пецярбургу.
Подпісы пад дакументам паставілі прадстаўнікі ўсіх краін Саюза, у тым ліку і Беларусі, а таксама былы беларускі прэм’ер, а цяпер старшыня калегіі Еўразійскай эканамічнай камісіі (ЕЭК) Міхаіл Мясніковіч і міністр прамысловасці, руднікоў і гандлю Ірана Абас Алі-Абад.
Часовае пагадненне бакі падпісвалі ў маі 2018 года, і яна запрацавала з кастрычніка 2019 года. Як лічаць у ЕЭК, цяперашняе пагадненне павялічыць тавараабарот Іран з краінамі ЕАЭС больш як у тры разы: з 6,2 млрд да 18-20 млрд у доларавым эквіваленце. Міністр ЕЭК па гандлі Андрэй Сляпнёў мяркуе, што гэтага можна будзе дабіцца на працягу 5-7 гадоў.
У кастрычніку бягучага года прэм’ер-міністр Беларусі Раман Галоўчанка адзначаў, што рэспубліка працягвае супрацоўнічаць з Іранам, нягледзячы на знешні націск.
"Беларусь і Іран валодаюць развітым тэхналагічным патэнцыялам. Мы вырабляем шырокую лінейку высокатэхналагічнай прадукцыі і паспяхова замяшчаем ёй прадукцыю заходніх вытворцаў, якія зніклі з нашых рынкаў", - адзначаў кіраўнік урада.
Таксама ў сакавіку 2023 года Іран наведаў прэзідэнт Беларусі Аляксандр Лукашэнка. Ён правёў сустрэчу з іранскім прэзідэнтам Ібрахімам Раісі. Лідары падпісалі пакет дакументаў, сярод якіх дарожная карта супрацоўніцтва да 2026 года.
Акрамя таго, Лукашэнка правёў перагаворы з вярхоўным лідарам Ірана – аяталой Алі Хаменеі, з першым віцэ-прэзідэнтам Махамадам Махберамі і кіраўніком Сходу ісламскага савета Махамадам-Багерам Галібафам.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"