МІНСК, 8 сту – Sputnik. Выбарчая кампанія па выбарах дэпутатаў у Палату прадстаўнікоў і Мінграсавет праходзіць дастаткова актыўна, але электаральная гонка пачнецца з моманту пачатку агітацыйнага перыяду, паведаміў на брыфінгу ў панядзелак старшыня Мінскай гарадской выбарчай камісіі Аляксандр Шчаковіч.
"Цяпер ідзе праца па зборы подпісаў. (...) Чаму так ціха – таму, што гэта не перыяд агітацыі", - сказаў Шчаковіч.
Паводле яго слоў, электаральная гонка пачнецца 31 студзеня, калі надыдзе перыяд агітацыі.
Цяпер і ідзе збор подпісаў па вылучэнні прэтэндэнтаў у дэпутаты. Самы папулярны спосаб збору подпісаў – гэта пакватэрны абход.
Згодна з выбарчым заканадаўствам, можна праводзіць пікеты па зборы подпісаў у тых месцах, дзе гэта не забаронена.
Прэтэндэнты ў дэпутаты маюць права вылучацца адначасова некалькімі спосабамі, у тым ліку ад партый, ад працоўных калектываў.
Ужо працуюць назіральнікі
Ён таксама расказаў, што ў Мінску ўжо працуюць нацыянальныя назіральнікі – цяпер іх 105. З іх 101 назірае за ходам выбараў у палату прадстаўнікоў.
Шчаковіч адзначыў, што ў Мінску прыбудуць і міжнародныя назіральнікі – ад СНД, ШАС, ад Цэнтрвыбаркамаў іншых краін, якія запрашаюць ЦВК і МЗС.
Адказваючы на пытанні журналістаў, старшыня Мінскай гарадской выбарчай камісіі адзначыў, што гэтыя выбары не будуць безальтэрнатыўнымі. Паводле яго слоў, канчатковыя даныя па колькасці кандыдатаў, якія ідуць на выбары, будуць вызначаны пасля рэгістрацыі. Ужо зараз на этапе збору подпісаў можна казаць аб тым, што на адно месца прэтэндуюць два-тры чалавекі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"