МІНСК, 24 сту – Sputnik. Міністэрства сувязі і інфарматызацыі Беларусі і Міністэрства лічбавага развіцця, сувязі і масавых камунікацый РФ узгаднілі план супрацоўніцтва ў рамках Саюзнай дзяржавы на 2024-2026 гады, паведаміла беларускае ведамства.
Беларуская дэлегацыя пад кіраўніцтвам міністра Канстанціна Шульгана ў сераду 24 студзеня наведала з візітам Маскву. У расійскай сталіцы прайшла сустрэча з расійскімі калегамі і кіраўніком Мінлічбы Максутам Шадаевым.
"Па выніках перагавораў міністрамі ўзгоднены і завізаваны план па рэалізацыі асноўных напрамкаў рэалізацыі палажэнняў дагавора аб стварэнні Саюзнай дзяржавы на 2024-2026 гады ў сферы сувязі і лічбавізацыі", - гаворыцца ў паведамленні Мінсувязі.
Паводле інфармацыі міністэрства, для выпрацоўкі перспектыўных напрамкаў двухбаковага ўзаемадзеяння ў сферы сувязі, інфармацыйна-камунікацыйных тэхналогій і лічбавізацыі міністры абмеркавалі актуальны парадак дня.
Бакі таксама абмеркавалі падрыхтоўку падпісання міжурадавага пагаднення аб узаемным прызнанні электроннага лічбавага подпісу.
Акрамя таго, прадметам перагавораў у Маскве сталі супрацоўніцтва ў галіне паштовай сувязі, каардынацыя частотных прысваенняў станцыям, якія выкарыстоўваюцца радыёслужбамі, і іншыя пытанні.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"