МІНСК, 26 сту – Sputnik. Кіеў пакуль што так і не паведаміў, куды былі вывезены дзеці з тэрыторый Данбаса, падкантрольных Украіне, паведаміла журналістам упаўнаважаная па правах чалавека ў ДНР Дар’я Марозава, адказваючы на пытанне карэспандэнта Sputnik.
Амбудсмен нагадала, што спробы вывазу дзяцей Кіеў рабіў яшчэ ў 2014 годзе, калі прайшоў рэферэндум аб аддзяленні рэспублік Данбаса. Перамяшчэнне часткі гэтых дзяцей ДНР здолела спыніць. Гэта былі выхаванцы спецустаноў (інтэрнатаў). Кіеў таксама вывозіў дзяцей, яшчэ за два месяцы да пачатку спецаперацыі.
Расійскі бок падае запыты і спрабуе высветліць, куды былі вывезены дзеці, але звестак няма.
"Не толькі на тэрыторыю Украіны падаем запыты, але таксама ў міжнародныя арганізацыі", - падкрэсліла амбудсмен.
Марозава звярнула ўвагу, што можна эвакуіраваць дзяцей з зоны баявых дзеянняў, захоўваючы ім жыццё. У дадзеным выпадку справа зусім у іншым: непаўналетніх вывезлі ў невядомым кірунку. Цяпер у ДНР якраз сістэматызуюць інфармацыю аб тым, колькі дзяцей і з якіх дзіцячых дамоў былі вывезены Кіевам. Сабраўшы даныя, РФ зноў будзе патрабаваць адказ на пытанне аб тым, дзе дзеці.
У сваю чаргу, размаўляючы з журналістамі, член Камітэта Савета Федэрацыі РФ па міжнародных справах Наталля Ніканорова падзякавала беларускаму боку за сумесную праграму аздараўлення дзяцей Данбаса. Яна пацвердзіла, што Кіеў сапраўды вывозіць дзяцей на Захад.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"