МІНСК, 27 сту – Sputnik. Праводзіць сустрэчы з выбаршчыкамі падчас сёлетняй электаральнай кампаніі можна будзе ў асноўным у актавых залах школ, вынікае з дакумента, апублікаванага на сайце Мінгарвыканкама.
У спіску пералічаны школы і гімназіі з адрасамі. Указана таксама, да якіх акруг яны адносяцца. Наогул прадугледжана 140 памяшканняў для сустрэч з кандыдатамі ў дэпутаты, з даверанымі асобамі, для перадвыбарных сходаў, якія арганізуюць выбаршчыкі.
Як паведамляе Мінгарвыканкам, агітацыя пачнецца з 31 студзеня.
Акрамя памяшканняў прапануецца яшчэ 80 месцаў для масавых мерапрыемстваў па агітацыі, у тым ліку мітынгаў і пікетаў. Агітацыйныя друкаваныя матэрыялы дазволена размяшчаць у сталіцы ў 279 месцах.
Раней паведамлялася, што Адзіны дзень галасавання пройдзе ў Беларусі 25 лютага, а 20 лютага пачнецца датэрміновае галасаванне, якое працягнецца да 24 лютага ўключна. У гэты час будуць выбірацца дэпутаты мясцовых саветаў і Палаты прадстаўнікоў.
Тэрытарыяльныя і акруговыя выбаркамы акрэдытавалі 4 439 нацыянальных назіральнікаў, а ЦВК Беларусі – 73 міжнародных. У Мінску пачаў працу штаб місіі назіральнікаў ад СНД. Чакаецца, што Цэнтрвыбаркам акрэдытуе больш за 300 міжнародных назіральнікаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"