МІНСК, 29 сту – Sputnik. Прэс-сакратар прэзідэнта Расіі Дзмітрый Пяскоў, адказваючы на пытанне журналістаў, ці будзе Уладзімір Пуцін удзельнічаць у перадвыбарных дэбатах, паведаміў, што ён з’яўляецца прадстаўніком кіраўніка дзяржавы, а не кандыдата.
"Я прэс-сакратар прэзідэнта. Прэзідэнт не ўдзельнічае ў перадвыбарных дэбатах", - сказаў прадстаўнік Крамля.
Пяскоў не адказаў на пытанне СМІ аб тым, ці атрымаў Пуцін пасведчанне кандыдата, параіўшы звярнуцца ў выбарчы штаб дзеючага кіраўніка дзяржавы.
ЦВК прыняла рашэнне
Сёння ЦВК Расіі аб’явіла аб рэгістрацыі ў якасці кандыдата ў прэзідэнты Расіі самавылучэнца Уладзіміра Пуціна.
Па словах кіраўніка ЦВК Элы Памфілавай, рашэнне аб рэгістрацыі Пуціна было прынята аднагалосна. Колькасць дакладных подпісаў выбаршчыкаў, сабраных за вылучэнне Пуціна, склала 314 909.
У адпаведнасці з расійскім выбарчым заканадаўствам, для рэгістрацыі кандыдатам у прэзідэнты трэба сабраць не менш як 300 тысяч дакладных подпісаў.
Пуцін стаў чацвёртым зарэгістраваным кандыдатам.
У адпаведнасці з заканадаўствам і планам падрыхтоўкі і правядзення выбараў Цэнтрвыбаркам Расіі павінен прыняць рашэнне аб рэгістрацыі ўсіх кандыдатаў не пазней за 10 лютага.
Усяго пра свае прэзідэнцкія амбіцыі на дадзены момант у Расіі заявілі 11 чалавек, восем з якіх маюць статус прэтэндэнтаў.
ЦВК ужо зарэгістравала траіх парламенцкіх партыйцаў, якія прэтэндуюць на прэзідэнцкую пасаду: Леаніда Слуцкага (ЛДПР), Уладзіслава Даванкова ("Новые люди") і Мікалая Харытонава (КПРФ).
Як раней паведамляла афіцыйны прадстаўнік МЗС РФ Марыя Захарава, для электаральнага маніторынгу за прэзідэнцкімі выбарамі будуць запрошаны місіі назіральнікаў ад шэрага міжнародных структур, у ліку якіх СНД, ШАС.
ЦВК РФ таксама накіравала запрашэнне беларускім калегам прыняць удзел у назіранні за выбарамі прэзідэнта Расіі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"