МІНСК, 30 сту – Sputnik. Кіраўнік Мінабароны Беларусі Віктар Хрэнін і міністр Рэвалюцыйных Узброеных Сіл Кубы Альвара Лопес М’ера падпісалі дакументы аб двухбаковым ваенным супрацоўніцтве, паведамілі ў прэс-службе беларускага ведамства ў аўторак.
Паводле яе інфармацыі, у межах перагавораў кіраўнікі ваенных ведамстваў "абмяняліся думкамі па пытаннях міжнароднай абстаноўкі, прадметна абмеркавалі перспектывы двухбаковага ўзаемадзеяння ў ваеннай сферы".
Віктар Хрэнін і Альвара Лопес М’ера адзначылі падабенства пазіцый дзвюх дзяржаў на міжнароднай арэне, падкрэслілі моцныя гістарычныя сувязі і агульныя падыходы да ацэнкі ключавых праблем сучаснасці.
Як паведамлялася, 27 студзеня пачаўся афіцыйны візіт міністра абароны Беларусі Віктара Хрэніна на Кубу.
29 студзеня кіраўнік беларускага ведамства паразмаўляў з кубінскімі журналістамі і адзначыў, што паміж дзвюма краінамі ёсць "добры канструктыўны дыялог".
Паводле яго слоў, нягледзячы на геаграфічную аддаленасць і некаторыя культурныя адрозненні, Куба і Беларусь маюць падобныя рысы – краіны імкнуцца да незалежнасці і сацыяльнай справядлівасці, раўнапраўнага супрацоўніцтва з іншымі дзяржавамі.
Хрэнін назваў Кубу стратэгічным саюзнікам Беларусі ў Заходнім паўшар’і і важным партнёрам на міжнароднай арэне.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"