МІНСК, 1 лют – Sputnik. РФ не плануе размяшчаць ядзерную зброю ў іншых дзяржавах, акрамя ўжо размешчанага ў Беларусі, заявіў намеснік міністра замежных спраў Расіі Сяргей Рабкоў.
"Не, не плануе", - сказаў прадстаўнік расійскага МЗС на прэс-канферэнцыі ў чацвер.
Пры гэтым дыпламат падкрэсліў, што Расія праяўляе максімальную адказнасць пры размяшчэнні ядзернай зброі ў Беларусі.
Рашэнне аб размяшчэнні тактычнай ядзернай зброі на тэрыторыі рэспублікі прынялі прэзідэнты РФ і Беларусі Уладзімір Пуцін і Аляксандр Лукашэнка.
Пры гэтым беларускія ваенныя лётчыкі прайшлі падрыхтоўку па выкарыстанні такой зброі з дапамогай самалётаў Су-25. Аналагічнае навучанне прайшлі і ракетчыкі. Акрамя таго, беларуская армія атрымала расійскія комплексы "Искандер".
Дакументы аб парадку ўтрымання расійскай ядзернай зброі ў спецыяльным сховішчы на беларускай тэрыторыі падпісалі 25 мая 2023 года міністры абароны Беларусі і Расіі Віктар Хрэнін і Сяргей Шайгу. Пасля гэтага і пачалося размяшчэнне. Паводле слоў Лукашэнкі, гэтае размяшчэнне завяршылася восенню мінулага года.
"Даўно, я ж казаў, калі скончылі. У верасні, па-мойму, ці ў кастрычніку. У пачатку кастрычніка. Усё на сваіх месцах у добрым стане", - паведамляў прэзідэнт у снежні 2023 года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"