МІНСК, 5 лют – Sputnik. У планах беларускіх сельгаспрадпрыемстваў – вырабіць сёлета тры млрд штук яек, паведаміла Sputnik прэс-служба Мінсельгасхарча.
Акрамя гэтага, у 2024 годзе плануецца атрымаць 8,6 млн тон малака, 673 тыс тон ялавічыны, 452 тыс тон свініны і больш за 690 тыс тон мяса птушкі.
Што да перапрацоўкі малака, то ў планах вырабіць з яго ў гэтым годзе не менш як 150 тысяч тон сметанковага масла, звыш 300 тысяч тон сыроў і амаль 2 млн тон натуральнамалочнай прадукцыі.
Вырабляем больш, чым спажываем
Раней міністр сельскай гаспадаркі і харчавання рэспублікі Сяргей Бартош паведамляў, што ў Беларусі вытворчасць яйка і курыцы на 20-25% большая, чым насельніцтва можа спажыць.
"Па яйку – каля 140 млн штук мы спажываем на ўнутраным рынку і 60 млн пастаўляем на расійскі рынак. Курыцы – больш вырабляем, чым спажываем", - удакладніў міністр.
Беларускія яйкі для расійскага рынку
З-за высокага попыту курыныя яйкі ў Расіі ў мінулым годзе падаражэлі больш як у 1,5 раза.
Прэзідэнт Уладзімір Пуцін заявіў, што кошт яек вырас пасля павелічэння попыту на дадзеную прадукцыю, за якім не паспяваў імпарт. Ён звярнуў увагу, што рэальна наяўныя даходы расіян сталі больш, што прывяло да актыўнага росту спажывання мяса птушкі і яек.
Беларускі бок паставіў у студзені ў Расію 69 млн штук яек – гэта ў 1,7 раза больш, чым за аналагічны перыяд 2023 года. Акрамя таго, гэта складае больш за 87,4% ад усяго аб’ёму яек, якія былі пастаўлены ў студзені на расійскі рынак.
Усяго ж у Расію на працягу чатырох апошніх гадоў з Беларусі паступала ў сярэднім больш за 630 млн яек штогод.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"