МІНСК, 7 лют – Sputnik. Вірусы былі побач з чалавекам заўсёды, але пандэміі ўзнікаюць цыклічна ў асаблівай заканамернасці, такое меркаванне акадэмік РАН Генадзь Анішчанка выказаў у рамках відэамоста ў мультымедыйным прэс-цэнтры Sputnik Беларусь.
Вядомы эксперт пракаменціраваў інфармацыю, якая ў пачатку 2024 года прагучала на пляцоўцы Сусветнага эканамічнага форуму ў Давосе. Гаворка ідзе аб загадкавай "хваробе Х", здольнай нібы забраць у 20 разоў больш жыццяў, чым COVID-19.
"Відаць, у іх фантазіі не хапіла. Можна і 40 напісаць, і 60, таму што ніякага навуковага абгрунтавання няма. Няма ніякай "хваробы Х" – гэта моўны зварот. Пандэміі ў гісторыі чалавецтва як былі, так і будуць", - расказаў Анішчанка.
Па словах навукоўца, гэта – падабаецца нам ці не – відавая барацьба, звычайная плынь эвалюцыі. Чалавек усю сваю гісторыю суседнічае з вірусамі.
"Зыходзячы са свайго вопыту... Найбольш верагодна можа з’явіцца нейкі новы штам грыпу. Вядома, ужо "іспанкі", якая выкасіла палову Еўропы, не будзе. У тыя часы яшчэ не было эфектыўных лекаў, і тады 20 мільёнаў за адзін сезон загінула людзей. Цяпер іспанкі не будзе, але пандэмія грыпу будзе", - сказаў эксперт.
Гэтак жа ён не выключыў новай пандэміі каронавіруснай інфекцыі і нават пралічыў год, калі яна можа ўзнікнуць.
"Глядзіце, былі пандэміі і ў 12, і ў 19 стагоддзі. Гэта мы зараз рэтраспектыўна ўстанаўліваем, што гэта была каронавірусная інфекцыя. У 2000 была першая "карона" MERS. Да 2009 – другая хваля. 2019 – COVID-19. Гэта значыць усё адбываецца прыкладна з перыядычнасцю ў 9 гадоў", - прывёў разлікі эксперт.
Анішчанка паведаміў яшчэ цікавыя лічбы статыстыкі. Аказваецца, здароўе чалавека толькі на 20% залежыць ад якасці медыцыны, астатнія 80% залежаць ад генетыкі і ладу жыцця. Але нават пры самым правільным харчаванні і ідэальным ЗЛЖ чалавек таксама можа захварэць.
На думку акадэміка, гэта звязана з тым, што чалавецтва перастала рабіць масавую вакцынацыю – старэйшае пакаленне памятае яе як прышчэпкі. Напрыклад, у СССР супраць воспы перасталі вакцынаваць у 1980-х. Хвароба лічыцца пераможанай, але, калі яна вернецца, супрацьпаставіць не будзе чаго, у многіх не было прышчэпак і няма імунітэту.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"