МІНСК, 7 лют – Sputnik. Прадстаўнікі ЦВК Беларусі Андрэй Гуржый і Сяргей Каліноўскі знаходзяцца ў ліку міжнародных назіральнікаў у Азербайджане, дзе праходзяць пазачарговыя прэзідэнцкія выбары.
Згодна з заканадаўствам краіны, прэзідэнцкія выбары ў Азербайджане заўсёды праходзяць у сераду. Гэты дзень аб’яўляецца выхадным.
Усяго назіраць за пазачарговай прэзідэнцкай кампаніяй акрэдытавана больш за 90 тыс назіральнікаў і экспертаў амаль з 90 краін свету.
"У міжнародным назіранні за выбарамі бяруць удзел члены ЦВК Беларусі Андрэй Гуржый і Сяргей Каліноўскі", - паведамілі Sputnik у ЦВК.
Правам выбарчага голасу ў Азербайджане надзелены больш за 6,3 млн выбаршчыкаў, з якіх больш за 400 тыс прагаласуюць першы раз. Галасуюць выбаршчыкі на больш як 6 300 выбарчых участках.
У Беларусі грамадзяне гэтай краіны змогуць прагаласаваць у пасольстве Рэспублікі Азербайджан у Мінску.
Выбары ў Азербайджане
У пачатку снежня 2023 года дзеючы прэзідэнт Азербайджана Ільхам Аліеў падпісаў дакумент аб правядзенні датэрміновых выбараў: замест красавіка 2025 года (планавы тэрмін) яны праводзяцца 7 лютага 2024 года.
Прэзідэнт у гэтай краіне выбіраецца на сем гадоў. Колькасць прэзідэнцкіх тэрмінаў Канстытуцыяй не абмежавана.
На выбарах на прэзідэнцкую пасаду прэтэндуюць сем кандыдатаў. Адзін з іх – дзеючы кіраўнік дзяржавы Ільхам Аліеў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"