На "белай" Алімпіядзе ў Расіі Беларусь прадставілі 27 спартсменаў у пяці відах спорту – біятлоне, гарналыжным спорце, лыжных гонках, шорт-трэку і фрыстайле. Але медалі ўдалося заваяваць толькі лыжнікам, якія стралялі і ляталі, – біятланісткам і фрыстайлістам.
Першы медаль у Беларусі з’явіўся 11 лютага. Дар’я Домрачава перамагла ў пасьюце, а праз некалькі дзён – у індывідуальнай гонцы і мас-старце. Тады нават у самых смелых марах ніхто не мог уявіць такое развіццё падзей. У дзень заваявання трэцяга залатога медаля Домрачавай было прысвоена званне "Герой Беларусі". Такім чынам, яна стала першай у гісторыі рэспублікі жанчынай, ганараванай вышэйшай дзяржаўнай узнагародай.
Разам з Домрачавай месца на пастаменце ў "індывідуалцы" заняла яе сяброўка па камандзе Надзея Скардзіна, якая заваявала бронзу.
Бліжэй да канца Алімпіяды парадавалі фрыстайлісты: Антон Кушнір і Ала Цупер узялі золата ў дысцыпліне лыжная акрабатыка. У выніковым медальным заліку Беларусь заняла восьмае месца. Дарэчы, тады за нашымі алімпійцамі ў Сочы адправіўся "борт нумар адзін" – такое распараджэнне даў прэзідэнт краіны Аляксандр Лукашэнка.
Шмат цікавага на сочынскай Алімпіядзе адбывалася па-за спартыўнымі арэнамі. Усе памятаюць знакамітую цырымонію адкрыцця, якую глядзелі 3 млрд чалавек ва ўсім свеце. Самы запамінальны момант – алімпійскае кольца, якое не раскрылася і затым стала супер-мемам. Цікава, што на цырымоніі закрыцця Алімпіяды кольца зноў не раскрылася, але ўжо па сцэнарыі – так арганізатары вырашылі пажартаваць з сябе.
А яшчэ ў Сочы пачалася гісторыя кахання Домрачавай і нарвежскага біятланіста Уле-Эйнара Б’ёрндалена. У 2016 годзе яны ажанілася, а зараз вядомыя спартсмены выхоўваюць дваіх дзяцей.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"