МІНСК, 9 лют – Sputnik. Свет праходзіць праз перыяд цяжкага захворвання, падзелены на дзве часткі, як паўшар’і мозгу пры біпалярным расстройстве, заявіў расійскі лідар Уладзімір Пуцін у інтэрв’ю амерыканскаму журналісту Такеру Карлсану. Тэкст і відэа інтэрв’ю апублікаваны на сайце Крамля.
"Вы сказалі, што свет падзяляецца на два паўшар’і. Галава падзяляецца на два паўшар'і: адно адказвае за адну сферу дзейнасці, іншае – больш крэатыўнае і гэтак далей. Але гэта ўсё ж адна галава", - сказаў прэзідэнт РФ.
Пры гэтым кіраўнік дзяржавы лічыць, што свет павінен быць адзіным, бяспека – агульнай, а не разлічанай на "залаты мільярд". Толькі ў гэтым выпадку, мір будзе стабільным, устойлівым і прагназуемым.
"А да таго часу, пакуль галава падзелена на дзве часткі, гэта хвароба, цяжкае захворванне. Свет праходзіць праз гэты перыяд цяжкага захворвання", - падзяліўся меркаваннем прэзідэнт.
Разам з тым ён лічыць, што ў тым ліку сумленныя журналісты могуць выступіць у якасці ўрачоў, каб "гэта ўсё неяк спалучыць".
Свет мяняецца
Прэзідэнт таксама заявіў, што свет памяняецца незалежна ад таго, чым скончацца падзеі ва Украіне.
"Свет мяняецца. У саміх Штатах эксперты пішуць, што паступова ЗША ўсё ж сваю пазіцыю мяняюць у свеце, – самі вашы эксперты пішуць, я іх чытаю. Пытанне толькі, як гэта будзе адбывацца: балюча, хутка ці мякка, паступова?", - задаўся пытаннем Пуцін.
На думку расійскага лідара, каб памяняць палітыку, патрэбны людзі, якія "думаюць, глядзяць наперад, могуць аналізаваць і рэкамендаваць нейкія рашэнні на ўзроўні палітычнага кіраўніцтва".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"