МІНСК, 12 лют – Sputnik. Больш за 65 палесцінцаў загінулі ў выніку начных авіяўдараў Ізраіля па горадзе Рафах, размешчаным у сектары Газа, паведаміў кіраўнік Міністэрства аховы здароўя анклава Ашраф аль-Кідра.
"Целы 67 палесцінцаў паступілі ў бальніцы ў выніку ізраільскіх авіяўдараў па горадзе Рафах мінулай ноччу", - сказаў ён.
Пры гэтым прадстаўнік ведамства адзначыў, што аперацыя па выратаванні пацярпелых усё яшчэ працягваецца.
Раніцай у панядзелак ізраільскія ВПС нанеслі ўдары па больш як 50 аб’ектах у горадзе, у тым ліку па жылых дамах і мячэцях.
Раней міністр абароны Ізраіля Йоаў Галант заявіў, што наступнай мэтай ЦАХАЛА стане горад Рафах, які знаходзіцца на мяжы Егіпта і Газы. Да гэтага вайскоўцы не выкарыстоўвалі наземныя войскі ў ім, каб не выклікаць незадаволенасць егіпецкіх улад.
Палесціна-ізраільскі канфлікт, звязаны з тэрытарыяльнымі інтарэсамі бакоў, на працягу многіх дзесяцігоддзяў з’яўляецца крыніцай напружанасці і боесутыкненняў у рэгіёне. Чарговая рэзкая эскалацыя канфлікту адбылася 7 кастрычніка мінулага года. Супрацьстаянне прывяло да масавых ахвяр сярод мірнага насельніцтва з абодвух бакоў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"