МІНСК, 20 лют – Sputnik. У мясцовыя саветы ў Беларусі балаціруецца 21 расіянін, паведаміў журналістам старшыня Цэнтрвыбаркама (ЦВК) Ігар Карпенка, адказваючы на пытанне карэспандэнта Sputnik Беларусь.
Кіраўнік ЦВК растлумачыў, што 15 з іх ідуць у раённыя саветы. Акрамя таго, Карпенка паведаміў, што ў спісках выбаршчыкаў зарэгістраваны каля 95 тыс расіян, якія маюць права выбіраць дэпутатаў мясцовых саветаў.
Наогул у спісках выбаршчыкаў у Беларусі зарэгістравана 6 млн 913 тыс чалавек. Гэта папярэднія даныя.
"Усё ідзе ў штатным рэжыме. Мы праверылі гатоўнасць усіх участкаў", - падкрэсліў кіраўнік ЦВК.
Ён таксама нагадаў, што ў краіне пачалося датэрміновае галасаванне. Сёння вечарам стануць вядомы папярэднія даныя па яўцы выбаршчыкаў у першы дзень. Кіраўнік Цэнтрвыбаркама дадаў, што на некаторыя ўчасткі прыходзілі ўжо грамадзяне, каб прагаласаваць. Некаторыя рабілі гэта ўпершыню і атрымалі падарункавыя выданні Канстытуцыі.
Ігар Карпенка акцэнтаваў увагу на тым, што для членаў выбаркамаў прайшлі трэнінгі, быў зняты навучальны відэаролік.
Таксама ў Мінску пачаў працаваць рэспубліканскі грамадскі цэнтр па назіранні за выбарамі. Усяго ў Беларусі зарэгістраваны 45 505 нацыянальных назіральнікаў. Міжнародных акрэдытавана 246, і гэты працэс, як лічыць Ігар Карпенка, працягнецца. У тым ліку, у рэспубліку ў індывідуальным парадку прыедуць назіральнікі з заходніх краін.
Датэрміновае галасаванне
Нагадваем, што 20 лютага ў Беларусі стартавала датэрміновае галасаванне па выбарах дэпутатаў у парламент і ў мясцовыя саветы. Участкі адчыніліся ў 12:00 і будуць працаваць да 19:00.
Па ўсёй краіне дзейнічаюць больш за 5,4 тыс выбарчых участкаў, а ў выбаркамы прыцягнута звыш 57 тыс чалавек. Пры гэтым у Беларусі ўпершыню пройдзе адзіны дзень галасавання. Гэта значыць, у рэспубліцы сумешчаны дзве электаральныя кампаніі: выбары дэпутатаў у парламент і выбары дэпутатаў у мясцовыя саветы.
На 110 дэпутацкіх месцаў у Палаце прадстаўнікоў прэтэндуюць 265 кандыдатаў, самаму маладому з якіх 23 гады, а самаму старэйшаму – 66 гадоў. Кандыдатамі ў дэпутаты мясцовых саветаў зарэгістраваны 18 802 чалавекі, і яны прэтэндуюць на больш чым 12 тыс месцаў.
Згодна з выбарчым кодэксам, з пачаткам датэрміновага галасавання не забараняецца агітацыя кандыдатаў, яна можа працягвацца па 24 лютага ўключна. У асноўны дзень галасавання, гэта значыць 25 лютага, агітаваць забаронена.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"