МІНСК, 21 лют – Sputnik. Мультыспартыўны форум "Игры будущего" адкрыецца ў сераду, 21 лютага, у Казані, перадае Sputnik.
Беларусь на іх будзе прадстаўлена ў двух відах спорту – фіджытал-баскетболе і фіджытал-адзінаборствах (фіджытал – інавацыйны напрамак у сферы спорту, у рамках якога спалучаюцца фізічныя і лічбавыя актыўнасці).
Ад рэспублікі на спаборніцтвы паедуць шэсць спартсменаў: каманда Exponenta Team, а таксама байцы беларускай Акадэміі ММА Антаніна Манько і Аляксандр Кавалёў.
Па словах прэс-сакратара прэзідэнта РФ Дзмітрыя Пяскова, гульні наведаюць лідары шэрага дзяржаў.
"Игры будущего" пройдуць з 21 лютага па 3 сакавіка. Удзельнікі будуць змагацца ў 21 дысцыпліне, яны будуць падзелены на пяць катэгорый: спорт, тактыка, стратэгія, тэхналогіі і хуткасць. Турнір збярэ больш за дзве тысячы спартсменаў са 107 краін.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"