МІНСК, 21 лют – Sputnik. Кіраўнік Рэспублікі Татарстан Рустам Мініханаў уручыў беларускаму прэзідэнту Аляксандру Лукашэнку падчас перагавораў у Казані ордэн Дружбы.
Лідар Беларусі прыбыў у расійскі рэгіён, каб узяць удзел у цырымоніі "Игр будущего", паведамілі ў прэс-службе кіраўніка Татарстана.
Пасля аэрапорта прэзідэнт рэспублікі адправіўся ў мясцовы крэмль, дзе правёў перагаворы з Мініханавым.
"Можа быць, і добра, што абставіны нас падштурхнулі адзін да аднаго. Наша шчасце мы павінны ствараць самі", - сказаў ён падчас сустрэчы.
Лукашэнка таксама назваў Татарстан самым развітым і высокатэхналагічным рэгіёнам РФ з добрай прамысловасцю, які дэманструе ўпэўнены эканамічны рост.
"Мы хочам з вамі супрацоўнічаць, таму што гэта высокі ўзровень развіцця. Ёсць з кім размаўляць, людзі разумеюць, кіруемасць вельмі высокая, гаспадарскі падыход – ад зямлі", - сказаў ён, удакладніўшы, што ў выпадку дасягнення дамоўленасцей праблем з беларускага боку не будзе.
У сваю чаргу кіраўнік Рэспублікі Татарстан заявіў, што беларускі лідар вельмі шмат робіць для Расіі і з’яўляецца самым блізкім чалавекам для РФ.
З рук Мініханава Лукашэнка атрымаў ордэн Дружбы, які з’яўляецца другой па значнасці дзяржаўнай узнагародай Татарстана.
Прэзідэнт таксама пакінуў запіс у кнізе ганаровых гасцей, у якой адзначыў, што супрацоўніцтва Казані і Мінска з кожным годам набывае новы змест. Ён выказаў упэўненасць, што перагаворы паміж бакамі ў Казані дадуць магчымасць пачаць рэалізацыю ў 2024 годзе шэрага сумесных праектаў.
"Игры будущего" пройдуць з 21 лютага па 3 сакавіка. Удзельнікі будуць змагацца ў 21 дысцыпліне, яны будуць падзелены на пяць катэгорый: спорт, тактыка, стратэгія, тэхналогіі і хуткасць. Турнір збярэ больш за дзве тысячы спартсменаў са 107 краін.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"