МІНСК, 23 лют – Sputnik. Захад забяспечвае кіеўскі рэжым зброяй, якая разыходзіцца па ўсім свеце, наш фільм паказвае і даказвае гэта, паведаміла Sputnik аўтар дакументальнага фільма тэлеканала RT "Зброевыя бароны Украіны" Ганна Вавілава.
Яна адзначыла, што тэматыка фільма лунала ў паветры, а працаваць над ім пачалі два гады таму, пасля пачатку ваеннай спецаперацыі РФ. Паводле яе слоў, ужо тады было зразумела, што дапамога, якая паступае ад НАТА ва Украіну праходзіць міма і ў войскі не трапляе.
"Яна (зброя, якая пастаўляецца Захадам - Sputnik) сыходзіць кантрабандай і распаўзаецца па ўсім свеце. Такім чынам НАТА спансіруе тэрарызм па ўсім свеце. Дапамагае ўзброеным групоўкам. Стала зразумела, што пра гэта трэба гаварыць і з гэтым нешта трэба рабіць і паспрабаваць спыніць", - сказала Вавілава.
Фільм тэлеканала RT – вынік сур’ёзнага расследавання, аўтарам актыўна дапамагалі журналісты з усяго свету: перадавалі інфармацыю, дзе і як распаўсюджваецца гэтае ўзбраенне. Падчас працы над фільмам яго аўтары апрацавалі вялізны пласт інфармацыі.
"Мы хочам звярнуць увагу грамадскасці ўсяго свету на тое, што адбываецца. Гэта дакументальнае пацвярджэнне таго, што адбываецца, пазбаўлена ўсялякай ацэнкі. Там проста факты, доказы – усё, каб адкрыць вочы сусветнай супольнасці", - падкрэсліла Вавілава.
Калі сярэдні еўрапейскі падаткаплацельшчык даведаецца, на што ён аддае свае грошы, жахнецца, сказала яна.
"І раптам тая самая зброя аказваецца ў наркакартэлях. Для еўрапейца ведаць гэта – катастрофа", - дадала журналістка.
Яна лічыць, што тэма паставак заходняга ўзбраення будзе актуальна доўгія гады, бо яго кантрабанда толькі набірае абароты.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"