МІНСК, 24 лют – Sputnik. Беларусь даўно прапаноўвала БДІПЧ АБСЕ распрацаваць стандарты дэмакратычных выбараў, але арганізацыя не робіць гэтага, заявіў журналістам кіраўнік ЦВК рэспублікі Ігар Карпенка, перадае карэспандэнт Sputnik.
Карпенка нагадаў, што ў СНД такія стандарты ёсць. Яны замацаваны ў канвенцыі.
"БДІПЧ АБСЕ ужо стаў інструментам геапалітычных гульцоў? Буйных геапалітычных гульцоў, якія працуюць у адны вароты. Нам такая гульня не патрэбна", - заявіў кіраўнік ЦВК.
Ігар Карпенка таксама нагадаў, што ў 2023 годзе ў Польшчу не пусцілі дэпутата Палаты прадстаўнікоў Беларусі Дзяніса Карася. Ён ехаў туды ў якасці назіральніка ад ПА АБСЕ на парламенцкія выбары. У парламентарыя была віза і ўсе неабходныя дакументы. БДІПЧ АБСЕ, офіс якога знаходзіцца ў Польшчы, не асудзіла гэты крок Варшавы.
Больш за тое, шэраг краін увёў санкцыі супраць членаў ЦВК Беларусі.
"Мне, вядома, усё роўна. Грошай за мяжой у мяне няма, і рахункаў таксама няма... Але чаму БДІПЧ АБСЕ ніяк не рэагуе?", - сказаў Карпенка.
Ён дадаў, што БДІПЧ АБСЕ трэба задумацца над тым, што адбываецца зараз у гэтай арганізацыі.
"Мне здаецца, гэта арганізацыя знаходзіцца ў глыбокім крызісе. І гэты крызіс можа вырашыцца толькі ў рамках самой арганізацыі", - рэзюміраваў Карпенка.
Раней паведамлялася, што БДІПЧ і іншыя структуры АБСЕ не накіравалі назіральнікаў на выбары ў мясцовыя саветы і Палату прадстаўнікоў Беларусі ў 2024 годзе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"