МІНСК, 25 лют – Sputnik. Украіне трэба ісці на перагаворы з Расіяй, каб не страціць краіну, заявіў журналістам прэзідэнт Беларусі Аляксандр Лукашэнка, перадае карэспандэнт Sputnik.
Па яго словах, калі канфлікт зацягнецца, украінскія салдаты проста перастануць ваяваць, а Польшча прыхопіць сабе заходнюю частку Украіны, што для Беларусі будзе непрымальна.
"Мы тут будзем на баку ўкраінцаў. А паўднёвую частку да Прыднястроўя Расія "адрэжа". Што застанецца – адзін Кіеў? Таму сёння (Украіне) трэба ісці на перагаворы, каб захаваць краіну. А далей – гэта ўжо адступленне Расіі, пра гэта ўжо сказана і шмат хто ведае", - сказаў Лукашэнка журналістам на выбарчым участку ў нядзелю.
Беларускі лідар звярнуў увагу, што расійскія войскі дзейнічаюць вельмі асцярожна ў зоне баявых дзеянняў, каб не дапусціць ахвяр сярод мірных жыхароў.
"З Аўдзееўкай даўно ўжо было б усё вырашана, калі б расіяне ваявалі, як у Айчынную вайну: сотні, тысячы людзей кінулі і не важна, колькі загіне. Я гэта ведаю дакладна, наколькі акуратна і асцярожна даводзіцца працаваць вайскоўцам Расіі і прэзідэнту Пуціну. Я часта з ім абмяркоўваю гэтае пытанне: людзей шкада", - падкрэсліў прэзідэнт.
Паводле яго слоў, Расія ўзяла курс на мірнае ўрэгуляванне канфлікту, каб не "кідаць у пекла людзей".
"Я бачу, што расіяне вельмі сур’ёзна ўзялі курс на мірнае ўрэгуляванне гэтага канфлікту, асабліва цяпер: не хочацца ў пекла кідаць людзей", - сказаў на заканчэнне ён.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"