МІНСК, 3 сак – Sputnik. Намінальная налічаная сярэдняя заработная плата ў Беларусі ў студзені бягучага года склала 1 991,2 руб, паведаміў Нацыянальны статыстычны камітэт рэспублікі.
Да гэтага, у снежні 2023-га, сярэдні заробак па краіне быў 2 271 рубель. Такім чынам, за месяц гэты паказчык знізіўся амаль на 300 рублёў.
Больш за ўсё зарабляюць у Мінску
У разрэзе рэгіёнаў самая вялікая заработная плата ў студзені была ў работнікаў Мінска – 2 697,9 руб у сярэднім. Дарэчы, гэта амаль на 550 руб менш, чым у снежні 2023 года.
У Мінскай вобласці заробак у сярэднім склаў 2 011,8 бел. руб. У астатніх абласцях краіны – менш за дзве тысячы рублёў: у Гомельскай – 1 827,7, у Гродзенскай – 1 763,4, у Брэсцкай – 1 739,1. У Віцебскай і Магілёўскай абласцях сярэдні заробак практычна аднолькавы: 1 668,2 і 1 666,9 адпаведна.
Калі глядзець па сферах прафесійнай дзейнасці, самая высокапрыбытковая – гэта традыцыйна сектар інфармацыі і сувязі. У студзені работнікі гэтай галіны зарабілі ў сярэднім па 5 182,1 рубля – гэта меней, чым амаль на 1 400 рублёў у параўнанні са снежнем 2023-га.
На другім месцы – фінансавая і страхавая дзейнасць, дзе сярэдняя зарплата за студзень склалася на ўзроўні 3 533,9 руб. У снежні 2023 года яна складала 4 226,8 руб.
Менш за ўсё атрымалі работнікі сферы адміністрацыйных і дапаможных паслуг – 1 388,7 руб. У сферы адукацыі ў сярэднім за студзень заробак склаў 1 447,3 руб, аховы здароўя і сацыяльных паслуг – 1 662,4 руб.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"