Беларускія касманаўты адправіліся на Байканур

МІНСК, 6 сак – Sputnik. Беларускі Марына Васілеўская і Анастасія Лянкова, якія ўваходзяць у асноўны і дубліруючы экіпажы 21-й экспедыцыі наведвання МКС, адправіліся на касмадром Байканур для праходжання перадстартавай падрыхтоўкі.

Удзельнікаў касмічнага палёту, старт якога павінен адбыцца 21 сакавіка, праводзілі раніцай 6 сакавіка ў Цэнтры падрыхтоўкі касманаўтаў у Зорным гарадку, паведамляе БелТА.

Напярэдадні 5 сакавіка экіпажы карабля "Союз МС-25" наведалі музей ЦВК. Алег Навіцкі, Іван Вагнер, Марына Васілеўская, Анастасія Лянкова, а таксама амерыканскія астранаўты Трэйсі Дайсан і Дональд Петыт пакінулі ў памятнай кнізе перадстартавых запісаў свае аўтографы. Пасля гэтага члены асноўнага і дубліруючага экіпажаў наведалі Красную плошчу, дзе ўсклалі кветкі да пахаванняў Юрыя Гагарына і Сяргея Каралёва.

Тым часам у "Роскосмосе" паведамілі аб зборцы ракеты пад пілатуемы пуск касмічнага карабля, на якім Навіцкі, Васілеўская і Дайсан адправяцца на МКС.

Адзначаецца, што сабраны першая і другая ступені ракеты, наступным этапам стануць пнеўмавыпрабаванні, пасля чаго спецыялісты правядуць аўтаномныя і комплексныя выпрабаванні. Заключны этап – агульная зборка носьбіта.

Старт міжнароднага экіпажа з Байканура намечаны на 21 сакавіка. Чакаецца, што Марына Васілеўская стане першай прадстаўніцай Беларусі ў космасе.

Плануецца, што на касмічнай станцыі беларуска будзе праводзіць даследаванні ў біямедыцынскай сферы, у галіне аграрных тэхналогій па вырошчванні раслін у космасе, а таксама выканае іншыя задачы.