МІНСК, 7 сак – Sputnik. Нацыянальнае кадастравае агенцтва працягвае развіваць электронныя сэрвісы, аб перспектыўных напрамках расказаў генеральны дырэктар прадпрыемства Міхаіл Хіль у мультымедыйным прэс-цэнтры Sputnik Беларусь.
Паводле яго слоў, для адлюстравання звестак з рэгістраў і рэестраў зямельнага кадастру, давядзення грамадска значнай інфармацыі да карыстальніка створана і вядзецца публічная кадастравая карта. Яна размешчана ў сетцы Інтэрнэт.
Лагічна карта падзелена на блокі: інфармацыя зямельнага кадастру – першы блок, у які ўключаны геаданыя аб адміністрацыйна-тэрытарыяльным дзяленні краіны, зямельных участках, адрасах, вуліцах, кадастравым дзяленні. Другі блок – грамадска значная, правераная інфармацыя, якая размяшчаецца на карце дзяржаўнымі органамі і арганізацыямі для азнаямлення з ёй грамадзян.
"На сённяшні дзень сайт змяшчае 37 інфармацыйных пластоў, якія кругласутачна даступны любому карыстальніку сеткі інтэрнэт і без неабходнасці аўтарызацыі. У 2023 годзе 380 тысяч карыстальнікаў здзейснілі амаль 1 мільён запытаў да карты і цікавасць толькі расце, гэта каля чатырох тысяч візітаў штодня", - распавёў Хіль.
Напрыклад, у 2024 годзе быў абноўлены пласт карты "Беларусь літаратурная". У ім змяшчаецца 1 192 элементы вулічна-дарожнай сеткі, названыя у гонар выдатных беларускіх літаратурных асоб, з указаннем месцазнаходжання аб’ектаў і кароткай інфармацыяй па іх.
"Нават у нас ёсць спецыяльны чат-бот для гэтага, які працуе праз пэўны месенджар, які дазваляе вызначыць месцазнаходжанне чалавека. І ён дасць інфармацыю, ці парушыў чалавек заканадаўства, знаходзячыся ў пагранічнай паласе або пагранічнай зоне. Таму што ёсць пэўныя абмежаванні на наведванне адпаведных участкаў", - растлумачыў генеральны дырэктар.
Таксама Хіль распавёў аб планах па далейшым развіцці карты – стварэнні пласта "Свабодыя зямельныя ўчасткі", дзе кожны жадаючы зможа знайсці прапанаваныя для выкарыстання зямельныя ўчасткі, азнаёміцца з іх характарыстыкамі і ўмовамі перадачы, а таксама ўбачыць іх месцазнаходжанне.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"