МІНСК, 10 сак – Sputnik. Колькасць гледачоў на цырымоніі адкрыцця летніх Алімпійскіх гульняў у Парыжы будзе меней у два разы, такое рашэнне прынялі ўлады Францыі.
Раней планавалася, што цырымонію ўжывую змогуць убачыць 600 тысяч чалавек.
Як паведаміў кіраўнік МУС Жэральд Дарманен, колькасць гледачоў складзе 326 тыс, з іх 220 тыс пройдуць па бясплатных білетах. Яшчэ 104 тыс гледачоў будзе размешчана на ніжніх набярэжных Сены. Кошт гэтых білетаў дасягае 2,7 тыс еўра.
Міністр растлумачыў таксама прычыны, па якіх было прынята рашэнне зменшыць колькасць гледачоў. Паводле яго слоў, гэта выклікана абмежаванасцю прасторы і неабходнасцю выдзеліць тры квадратныя метры на чалавека, а таксама рашэннем прэзідэнта Эмануэля Макрона не дэманціраваць кіёскі букіністаў на верхніх набярэжных, якія закрываюць від на цырымонію.
Адкрыюць Алімпіяду не на стадыёне
Упершыню ў гісторыі цырымонія адкрыцця Гульняў пройдзе па-за стадыёнам.
Па словах міністра, у парадзе на Сене прымуць удзел 180 суднаў, з якіх пройдзе трансляцыя светлавога шоу. На 94 з іх будуць знаходзіцца 10,5 тыс спартсменаў, якія бяруць удзел у спаборніцтвах.
Таксама плануецца на час цырымоніі закрыць паветраную прастору над Парыжам у радыусе 150 кіламетраў.
Для забеспячэння бяспекі цырымоніі ў сталічным рэгіёне Іль-дэ-Франс задзейнічаюць 45 тыс паліцэйскіх.
Алімпійскія гульні ў Парыжы стартуюць 26 ліпеня 2024 года і працягнуцца да 11 жніўня 2024 года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"