Старажытны замак Баркук атрымаў значныя пашкоджанні ў выніку ізраільскіх авіяўдараў па Хан-Юнісе – горад знаходзіцца ў паўднёвай частцы сектара, паблізу ўзбярэжжа Міжземнага мора, на адлегласці каля 20 км на паўднёвы захад ад Газы.
Замак Баркук, пабудаваны падчас праўлення мамлюкскага султана Баркука ў 1387 годзе, з’яўляецца адной з самых вядомых славутасцей сектара Газа. Цяпер гістарычны будынак ляжыць у руінах, а наваколлі крэпасці ўсеяны абломкамі.
Баркук – не адзіны гістарычны аб’ект, які пацярпеў ад баявых дзеянняў, што працягваюцца ў рэгіёне.
З XIV стагоддзя замак быў цэнтрам гандлю паміж Палесцінай і Егіптам і месцам адпачынку купцоў і вандроўнікаў падчас іх доўгай дарогі паміж Дамаскам і Каірам.
Славутасць карысталася вялікай папулярнасцю ў турыстаў з 1948 года.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"