МІНСК, 12 сак – Sputnik. Нягледзячы на санкцыйную палітыку недружалюбных дзяржаў у дачыненні да Расіі і Беларусі, нікому не ўдаецца дасягнуць запаволення росту эканомікі абедзвюх краін, заявіў віцэ-прэм’ер РФ Аляксей Авярчук на пасяджэнні Групы высокага ўзроўню Савета міністраў Саюзнай дзяржавы ў Мінску, перадае карэспандэнт Sputnik.
Ён нагадаў, што па выніках 2023 года беларуская эканоміка вырасла на 3,9%, а рост расійскай, паводле папярэдніх даных, склаў 3,6%.
"І тут нельга не звярнуць увагу на тое, што нашы эканомікі – Расіі і Беларусі – растуць больш высокімі тэмпамі, чым эканомікі Еўрасаюза", - сказаў Авярчук.
Расійскі віцэ-прэм’ер адзначыў, што Масква і Мінск працягваюць развіваць гандлёва-эканамічнае супрацоўніцтва. Ён звярнуў увагу, што ў сілу незаконных заходніх рэстрыкцый у адносінах да дзвюх краін, "нікому не ўдаецца дасягнуць запаволення росту нашых эканомік".
Аверчук заявіў, што Расія і Беларусь рухаюцца ў напрамку стварэння агульнай эканомікі – у адпаведнасці з задачамі, якія паставілі прэзідэнты дзвюх дзяржаў.
Разлікі ў нацвалютах
Паводле слоў намесніка кіраўніка расійскага ўрада, Масква і Мінск практычна завяршылі пераход на разлікі ў нацыянальных валютах.
"Доля разлікаў у нацыянальных валютах у рамках Саюзнай дзяржавы складае 92%, і мы фактычна можам гаварыць сёння аб тым, што пераход на разлікі ў нацвалютах паміж расійскімі і беларускімі аператарамі адбыўся", - канстатаваў ён.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"