МІНСК, 14 сак – Sputnik. Беларускія студэнцкія атрады адправяцца ў красавіку на рэканструкцыю Байкала-Амурскай магістралі, паведаміла на прэс-канферэнцыі загадчыца Цэнтра інфармацыйных і сацыяльных тэхналогій ЦК ГА "БРСМ" Кацярына Лакісава, перадае карэспандэнт Sputnik.
Яна расказала, што на Сусветным маладзёжным фестывалі (СМФ) у Сірыусе Беларускі рэспубліканскі саюз моладзі заключыў шэраг пагадненняў з прадстаўнікамі розных краін. З расійскім бокам, у прыватнасці, была абмеркавана дзейнасць студэнцкіх атрадаў.
"Нашы рабяты пастаянна прымаюць удзел у праектах у Расійскай Федэрацыі. Студэнцкія атрады штогод адпраўляюцца на розныя аб’екты будаўніцтва. Абмяркоўвалася пытанне аб тым, што нашы рабяты ўжо ў красавіку – зараз ідзе адбор на конкурснай аснове – паедуць на будаўніцтва Байкала-Амурскай магістралі", - адзначыла прадстаўнік БРСМ.
Працоўны праект атрымаў назву "БАМ 2.0", чакаецца, што ў ім прымуць удзел тысячы студэнтаў.
Лакісава дадала, што ў сваю чаргу беларускі бок запрасіў расійскія студэнцкія атрады ў рэспубліку.
"Ужо ў чэрвені плануецца, што сумесны атрад Саюзнай дзяржавы прыме ўдзел у будаўніцтве аб’ектаў на тэрыторыі Брэсцкай крэпасці – цэнтра патрыятычнага выхавання моладзі", - праінфармавала яна.
У гэтым годзе спаўняецца 50 гадоў з пачатку будаўніцтва Байкала-Амурскай магістралі. У 1970-80-я беларуская моладзь актыўна працавала на самай маштабнай усесаюзнай будоўлі, узводзячы станцыі, жылыя пасёлкі і ўкладваючы чыгуначныя пуці.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"