Улады Латвіі забаранілі доступ да двух беларускіх СМІ

МІНСК, 19 сак - Sputnik. Латвійскія ўлады закрылі доступ да сямі расейскіх і двух беларускіх СМІ, паведамляе LRT.

Доступ закрыты да наступных інфармацыйных рэсурсаў:

Нацыянальная рада па электронных СМІ у Латвіі прыйшла да высновы, што згаданыя сайты інфармагенцтваў, тэлеканалаў і друкаваных выданняў выкарыстоўваюцца "для падтрымкі агрэсіўнай расейскай прапаганды". Мясцовыя ўлады лічаць, што гэтыя рэсурсы распаўсюджваюць скажоную і ілжывую інфармацыю аб украінскім канфлікце.

Таксама гаворыцца, што дадзеныя СМІ нібыта распаўсюджваюць інфармацыю, якая дыскрэдытуе латвійскую дзяржаву і НАТА.

У латвійскай радзе па электронных СМІ падкрэсліваюць, што распаўсюджванне падобнай інфармацыі "аказвае негатыўны ўплыў на мірнае суіснаванне розных груп грамадства, у тым ліку ў Латвіі".

У сваю чаргу, як лічаць чыноўнікі прыбалтыйскай краіны, гэта стварае рызыкі для правакацый, якія "ўяўляюць сабой значную пагрозу нацыянальнай бяспецы і грамадскаму парадку Латвіі".

У ліпені 2023 года ў Беларусі былі адобраны папраўкі ў закон "Аб сродках масавай інфармацыі". Згодна з імі, прадугледжваецца магчымасць увядзення забароны на дзейнасць замежных СМІ на тэрыторыі рэспублікі ў выпадку праяўлення замежнымі дзяржавамі недружалюбных дзеянняў у дачыненні да беларускіх мас-медыя.

Нормы аб санкцыях у адказ супраць СМІ недружалюбных краін дзейнічаюць таксама ў Расіі.