МІНСК, 21 сак – Sputnik. Беларусь зацікаўлена ва ўдзеле ў расійскай месячнай праграме, паведаміў РІА Навіны начальнік упраўлення аэракасмічнай дзейнасці апарату НАН рэспублікі Пётр Віцязь.
"Нам цікавы ўдзел у расійскай месячнай праграме, мы зараз абмяркоўваем пытанне нашага магчымага ўдзелу ў розных даследаваннях", - сказаў ён.
Прадстаўнік акадэміі адзначыў, што размова ў гэтым выпадку ідзе не толькі аб апаратуры, тэхналогіях і навуковых праектах, але і аб асваенні Месяца.
Паводле слоў беларускага вучонага, у будучым трэба на Міжнароднай касмічнай станцыі правесці шэраг медыцынскіх даследаванняў адносна падрыхтоўкі да далёкіх палётаў і асваення спадарожніка Зямлі.
Віцязь падкрэсліў, што тут ёсць шмат пытанняў, звязаных з фізіялогіяй чалавека ў космасе, а таксама нюансаў наконт харчавання і атрымання энергіі.
У 2024 годзе ў Інстытуце медыка-біялагічных праблем РАН праводзіцца эксперымент па імітацыі палёту на Месяц экіпажа, які складаецца з шасці чалавек. Каманду ў рамках праекту SIRIUS-23 закрылі ў выпрабавальным комплексе інстытута 14 лістапада 2023-га. У склад экіпажа ўвайшлі пяць расіян і прадстаўніца Беларусі Вольга Масціцкая.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"