МІНСК, 22 сак – Sputnik. Прэзідэнт Беларусі Аляксандр Лукашэнка і гендырэктар "Роскосмоса" Юрый Барысаў правялі тэлефонную размову ў пятніцу, паведамляе прэс-служба беларускага лідара.
Кіраўнік расійскай дзяржкарпарацыі праінфармаваў прэзідэнта Беларусі аб прычынах няштатнай сітуацыі, якая адбылася напярэдадні на стартавай пляцоўцы касмадрома Байканур.
Нагадаем, што пуск ракеты з караблём, на борце якога знаходзілася першая беларуская жанчына-касманаўт Марына Васілеўская, павінен быў адбыцца ў чацвер, 21 сакавіка. Аднак у апошні момант быў адменены ў аўтаматычным рэжыме.
Барысаў заявіў, што ўсе недахопы ліквідаваны ў адпаведнасці з рэгламентам. Канчатковае заключэнне дзяржкамісіі будзе гатова ў пятніцу 22 сакавіка.
Таксама кіраўнік "Роскосмоса" запэўніў, што перанесены на 23 сакавіка пуск ракеты пройдзе штатна.
Адменены старт
Пуск карабля "Союз МС-25" з першай беларускай касманаўткай Марынай Васілеўскай, расійскім касманаўтам Алегам Навіцкім і астранаўтам NASA Трэйсі Дайсан павінен быў адбыцца ў 16:21 па мінскім часе з касмадрома Байканур у чацвер, 21 сакавіка.
Кіраўнік "Роскосмоса" Юрый Барысаў пазней паведаміў, што на завяршальным этапе перадпускавой падрыхтоўкі адбылася няштатная сітуацыя, з-за якой усю працэдуру прыйшлося спыніць. Прычынай стала прасадка напружання хімічнай крыніцы току.
Плануецца, што запуск ракеты пройдзе 23 сакавіка ў 15:36 па маскоўскім і мінскім часе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"