МІНСК, 22 сак – Sputnik. Пасля таго як Захад стаў удзельнікам канфлікту ва Украіне, расійская спецаперацыя стала вайной, пра гэта заявіў прэс-сакратар прэзідэнта Расіі Дзмітрый Пяскоў.
Ён удакладніў, што цяпер Расія знаходзіцца ў стане вайны, і гэта павінен разумець кожны чалавек "для сваёй унутранай мабілізацыі".
"Мы знаходзімся ў стане вайны. Так, гэта пачыналася як спецыяльная ваенная аперацыя, але як толькі там утварылася гэтая кампашка, калі калектыўны Захад стаў удзельнікам гэтага на баку Украіны, для нас гэта ўжо стала вайной", - прыводзіць яго словы РІА Навіны са спасылкай на "Аргументы и факты".
Прадстаўнік Крамля таксама нагадаў, што ў Расіі з’явіліся чатыры новыя суб’екты федэрацыі. Цяпер для Масквы галоўнае – засцерагчы ад небяспекі людзей, якія знаходзяцца на дэ-факта акупіраваных Кіевам тэрыторыях.
Таксама, паводле яго слоў, Расія не можа дапусціць існаванне каля сваіх меж дзяржавы, якая дэкларуе намер выкарыстоўваць любыя метады, каб адабраць Крым – не кажучы ўжо пра новыя рэгіёны.
Пяскоў паведаміў, што Расія працягне дзейнічаць такім чынам, каб ваенны патэнцыял Украіны не пагражаў бяспецы яе грамадзян і тэрыторыі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"