МІНСК, 26 сак – Sputnik. Стан дзевяці чалавек, якія пацярпелі ў выніку тэрарыстычнага акта ў канцэртнай зале "Крокус Сити Холл", ацэньваецца як вельмі цяжкі, сярод іх таксама адно дзіця, паведаміла віцэ-прэм’ер РФ Таццяна Голікава.
"Урачы працягваюць змагацца за жыццё дзевяці пацярпелых, у ліку якіх адно дзіця, стан ацэньваецца як вельмі цяжкі", - заявіла яна падчас нарады па абмеркаванні мер, якія прымаюцца пасля тэракта.
Віцэ-прэм’ер паведаміла, што 29 пацыентаў зараз знаходзяцца ў цяжкім стане, стан яшчэ 30 пацыентаў ацэньваецца як сярэдняй цяжкасці. Пры гэтым здароўе 25 пацыентаў палепшылася, паступова іх рыхтуюць да выпіскі.
Тэракт у "Крокусе"
У пятніцу, 22 сакавіка, каля васьмі гадзін вечара зламыснікі ў камуфляжы адкрылі ў падмаскоўнай канцэртнай зале стральбу. Пазней у будынку пачаўся пажар, які прывёў да абвальвання даху. Па апошніх даных СК РФ, у выніку тэракта 139 чалавек загінулі.
Вядуцца работы па разборы завалаў на месцы здарэння, падчас якіх могуць выявіцца новыя ахвяры.
Прэс-служба Крамля паведаміла, што дырэктар ФСБ Аляксандр Бортнікаў паведаміў прэзідэнту РФ Уладзіміру Пуціну аб затрыманні 11 чалавек, усіх чатырох тэрарыстаў, якія непасрэдна ўдзельнічалі ў ажыццяўленні тэракта.
Тэрарысты мелі кантакты ва Украіне і пасля здзяйснення злачынства планавалі перасекчы расійска-ўкраінскую мяжу, але былі затрыманы. Паведамлялася, што супрацоўнікі беларускіх спецслужбаў садзейнічалі сваім расійскім калегам у затрыманні злачынцаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"