МІНСК, 29 сак – Sputnik. Беларусь можа на роўных з Расіяй праводзіць навуковыя форумы, заявіў гендырэктар міжнароднай медыягрупы "Россия сегодня" Дзмітрый Кісялёў падчас экспертна-медыйнага форуму Саюзнай дзяржавы, перадае карэспандэнт Sputnik.
"У нас ёсць трывалы, моцны саюзнік – гэта Беларусь. З аднаго боку, у Расіі ёсць такі саюзнік, а з іншага боку Беларусь захавалася, таму што мы бачым альтэрнатыву па Украіне", - звярнуў увагу ён.
Па словах Кісялёва, Беларусь развівае навуку і можа правесці на роўных з РФ паўнавартасны навуковы форум.
Ён нагадаў, што ў рэспубліцы працуе інфармацыйнае агенцтва Sputnik Беларусь, якое займае верхнія радкі рэйтынгу па наведвальнасці.
"Гэта ўплывовы сродак інфармацыі, і мы заўсёды адгукаемся на ініцыятывы Саюзнай дзяржавы. Наш прэс-цэнтр заўсёды прымае ў Мінску мерапрыемствы Саюзнай дзяржавы, і тут мы ў адным шэрагу", - запэўніў Кісялёў.
Форум "Саюзная дзяржава. Навуковы прарыў" прымеркаваны да Дня яднання народаў Беларусі і Расіі, які адзначаецца 2 красавіка. Яго мэты – умацаванне навукова-тэхнічнага і інавацыйнага супрацоўніцтва, вызначэнне ключавых напрамкаў узаемадзеяння, стварэнне неабходных умоў для сумеснай работы вучоных і маладых даследчыкаў, развіццё адзінай адукацыйнай прасторы і рэалізацыя сумесных праектаў у галіне вышэйшай тэхнічнай адукацыі.
Sputnik Беларусь вядзе прамую трансляцыю мерапрыемства.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"