МІНСК, 29 сак – Sputnik. Удзельнікі малдаўскай дзіцячай харавой студыі "Рапсодыя" не могуць вярнуцца з гастролей у Беларусі, Польшча і Літва не даюць дазволу аўтобусу з артыстамі ўехаць з рэспублікі, пра гэта паведаміла ў сацыяльных сетках кіраўнік калектыву, заслужаная артыстка Малдовы Наталля Барабаншчыкава.
"Мы суткі спрабуем выехаць з Беларусі", - напісала яна.
Паводле яе слоў, першапачаткова аўтобус з дзецьмі прыехаў у Брэст, каб перасячы мяжу і выехаць у Польшчу.
Барабаншчыкава ўдакладніла, што там перасячы мяжу не ўдалося, хор не прапусцілі. Потым малдаўскія дыпламаты параілі паспрабаваць змяніць маршрут і ўехаць у ЕС праз Літву, але і там іх развярнулі ў Беларусь.
Яна паведаміла, што малдаўская місія з Мінска была з хорам на мытні да трох гадзін ночы, дыпламаты дабіліся, каб дзяцей выпусцілі з аўтобуса, каб схадзіць у прыбіральню.
Паводле слоў Барабаншчыкавай, цяпер яны чакаюць "нейкіх рашэнняў". Кіраўнік хору таксама расказала, што ў адмове літоўскага боку фігуруюць словы, што "калектыў уяўляе пагрозу для Літвы".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"