МІНСК, 30 сак – Sputnik. Вытворчасць пнеўматычных вінтовак для біятлона запушчана ў Беларусі, паведамілі ў эфіры "Беларусь 1".
За эксперымент узялася кампанія са Смалявіч па заказе Беларускай федэрацыі біятлона. Пакуль што зроблена невялікая партыя для дзіцяча-юнацкіх спартыўных школ.
"З МУС пералік неабходных дакументаў падрыхтавалі і атрымалі ліцэнзію на вытворчасць. Паралельна яна прайшла ўсе магчымыя выпрабаванні", - расказаў дырэктар кампаніі-распрацоўшчыка Юрый Цімохаў.
Па словах распрацоўшчыкаў, у вінтоўцы 160 дэталей і тры вузлы. Зброя модульная: ствольная скрынка, спускавы механізм, сілавы агрэгат – у дадзеным выпадку балон. Адзначаецца, што вінтоўка вытрымлівае маразы –50°C і спякоту +30°C. Навінку ўжо паспелі апрабаваць прафесійныя біятланісты.
"Страляе як Anschutz. Страляецца шыкоўна. Можна рэгуляваць, рабіць нацяжэнне мацнейшым ці слабейшым. Працяжку спускавога кручка. Я думаю, гэта наша будучыня", - дала сваю ацэнку вінтоўцы вядомая беларуская біятланістка Алена Зубрылава.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"