МІНСК, 2 кра – Sputnik. Расія дабярэцца да ўсіх заказчыкаў і бенефіцыяраў тэрарыстычнага акта ў "Крокус Сити Холле", заявіў на пашыраным пасяджэнні калегіі Міністэрства ўнутраных спраў РФ прэзідэнт краіны Уладзімір Пуцін.
"Нам важна ўстанавіць не толькі непасрэдных выканаўцаў, але і ўсе звёны, ланцужкі канчатковых злачынных бенефіцыяраў гэтага злачынства. Мы безумоўна да іх дабяромся", - сказаў ён.
Паводле яго слоў, у злачынным асяроддзі любая інфармацыя купляецца і прадаецца, таму заказчыкі будуць устаноўлены ў любым выпадку.
Прэзідэнт РФ таксама паведаміў, што ў цяперашні час комплексна ацэньваюцца дзеянні ўсіх наглядных службаў і камерцыйных арганізацый, якія адказвалі за "Крокус Сити Холл".
"Мы заплацілі вельмі высокую цану, і ўвесь аналіз сітуацыі павінен быць вельмі аб’ектыўным і прафесійным", - адзначыў ён.
Пуцін падкрэсліў, што гэта асабліва важна для таго, каб вывесці на новы ўзровень гарантаванне правапарадку і бяспекі ў месцах масавага знаходжання людзей.
Тэракт у "Крокусе"
У пятніцу, 22 сакавіка, у будынак канцэртнай залы "Крокус Сити Холл" у Краснагорску ўварваліся некалькі мужчын у камуфляжы без масак. Яны расстрэльвалі людзей і кідалі запальныя шашкі.
Паводле апошніх звестак, ад агнястрэльных ран, а таксама з-за пажару і абвальвання канструкцый будынка загінулі 144 чалавекі, асобы 134-х устаноўлены.
Падчас нападзення загінула грамадзянка Беларусі 1978 года нараджэння. Пазней у бальніцы ад атрыманых раненняў памёр грамадзянін Беларусі, які працаваў ахоўнікам у "Крокусе".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"