МІНСК, 4 кра – Sputnik. На ролю вядомага савецкага дыпламата Андрэя Грамыкі, пра жыццё якога плануюць зняць серыял, разглядаюцца акцёры з Беларусі, расказаў генеральны дырэктар студыі "Ваенфильм", адзін з прадзюсараў фільма "Брэсцкая крэпасць" і рэжысёр Ігар Угольнікаў, паведамляе Sputnik.
Ён адзначыў, што падрыхтоўка да серыяла вядзецца ўжо некалькі гадоў, у гэты момант пішацца сцэнарый.
"Сумесна з МЗС Расіі, Службай знешняй разведкі мы знаходзім факты, якія будуць цікавыя гледачам. Фільм будзе прысвечаны, перш за ўсё, вялікаму дыпламату, які ўсю сваю дыпламатычную дзейнасць прысвяціў таму, каб утрымаць свет ад ядзернай катастрофы", - паведаміў Угольнікаў на прэс-канферэнцыі ў Брэсце, куды ён напярэдадні прыляцеў з Масквы для ўдзелу ў Днях "Мосфильма".
Расійскі рэжысёр прызнаўся, што на ролю Грамыкі ён шукае акцёра з Беларусі.
"Вельмі хачу, каб гэта быў беларус абавязкова", - падкрэсліў ён.
Акрамя гэтай карціны, Угольнікаў плануе зняць мастацкі фільм пра вядомага беларускага партызана Бацьку Міная.
Гісторыю пра легендарнага савецкага дыпламата Андрэя Грамыкі – ураджэнца Беларусі – чытайце ў лонгрыдзе Sputnik.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"