У гэтым годзе беларускія ВНУ маюць намер прыняць 52-53 тысячы чалавек. Год таму план набору быў такі ж самы. Але важна іншае: бюджэтных месцаў гэтым летам стане больш на тры тысячы, а агульная іх колькасць складзе каля 30 тысяч.
Sputnik паглядзеў, колькі першакурснікаў плануюць набраць асноўныя ВНУ краіны, і параўнаў лічбы прыёму з папярэднім годам.
БДУ
Сёлета самая буйная ВНУ краіны – Беларускі дзяржаўны ўніверсітэт – вырашыла істотна павялічыць падрыхтоўку юрыстаў (плюс 130 бюджэтных месцаў), журналістаў, матэматыкаў-праграмістаў, гісторыкаў і спецыялістаў-міжнароднікаў. На некаторых факультэтах бюджэту стане больш за кошт скарачэння платнікаў.
Беларускі дзяржаўны ўніверсітэт (БДУ)
© Sputnik / Любоў Каспяровіч
Усяго для атрымання агульнай вышэйшай і спецыяльнай вышэйшай адукацыі на дзённую бюджэтную форму БДУ плануе прыняць 2 519 чалавек, а на завочную бюджэтную – 104. На дзённай платнай будзе 1 509 месцаў, на платнай "завочцы" – 276.
Агульная карціна па бюджэтных і платных месцах на дзённай вочнай форме навучання выглядае так (у параўнанні з прыёмам-2023):
Мехмат: бюджэт – 170 / платнае – 55 (+15 бюджэтнікаў).
ФПМІ: 250 / 85 (+20 бюджэтнікаў і +15 платнікаў).
Факультэт радыёфізікі і камп’ютарных тэхналогій: 196 / 32 (+18 бюджэтнікаў).
Фізічны факультэт: 110 / 10 (+10 бюджэтнікаў).
Хімічны факультэт: 108 / 20 (–4 платнікі).
Факультэт геаграфіі і геаінфарматыкі: 118 / 13 (+12 бюджэтнікаў і –1 платнік).
Біялагічны факультэт: 175 / 80 (+20 бюджэтнікаў і –10 платнікаў).
Факультэт журналістыкі: толькі бюджэт – 122 (+40).
Гістарычны факультэт: 118 / 21 (+25 бюджэтнікаў і –2 платнікі).
Факультэт філасофіі і сацыяльных навук: 70 / 83 (+11 бюджэтнікаў і –10 платнікаў).
Філалагічны факультэт: 182 / 48 (+15 бюджэтнікаў і –16 платнікаў).
ФМА: 120 / 225 (+50 бюджэтнікаў і +42 платнікі).
Эканамічны факультэт: 77 / 144 (+23 бюджэтнікі).
Юрыдычны факультэт: 233 / 160 (+130 бюджэтнікаў і –15 платнікаў).
Факультэт сацыякультурных камунікацый: 77 / 153 (–14 платнікаў).
Інстытут бізнесу: толькі платнае – 290 (без змяненняў).
Інстытут тэалогіі імя святых Кірыла і Мяфодзія: 25 / 5 (+5 платнікаў).
Міжнародны дзяржаўны экалагічны інстытут імя А.Д. Сахарава – 170 / 65 (без змяненняў).
Падрабязны план прыёму ў Белдзяржуніверсітэт у 2024 годзе можна паглядзець па спасылцы.
БНТУ
Найбольш адчувальная ратацыя бюджэтных і платных месцаў адбылася на двух факультэтах Беларускага нацыянальнага тэхнічнага ўніверсітэта – інжынерна-педагагічным і тэхналогій кіравання і гуманітарызацыі.
Беларускі нацыянальны тэхнічны ўніверсітэт (БНТУ)
© Sputnik / Любоў Каспяровіч
План прыёму ў сёлетнюю ўступную кампанію ў БНТУ будзе такім (у параўнанні з 2023 годам):
Аўтатрактарны факультэт: бюджэт – 350 / платнае – 69 (+20 бюджэтнікаў і –22 платнікі).
Факультэт горнай справы і інжынернай экалогіі: толькі бюджэт – 70 (–2 бюджэтнікі).
Машынабудаўнічы факультэт: 206 / 14 (без змяненняў).
Механіка-тэхналагічны факультэт: толькі бюджэт – 170 (без змяненняў).
Факультэт маркетынгу, менеджменту, прадпрымальніцтва: 55 / 234 (+23 платныя месцы).
Энергетычны факультэт: 310 / 25 (без змяненняў).
Факультэт інфармацыйных тэхналогій і робататэхнікі: 203 / 57 (+7 бюджэтнікаў і –6 платнікаў).
Факультэт тэхналогій кіравання і гуманітарызацыі: 175 / 130 (50 бюджэтнікаў і 18 платнікаў).
Інжынерна-педагагічны факультэт: толькі бюджэт – 141 (58 бюджэтнікаў і –10 платнікаў).
Факультэт энергетычнага будаўніцтва: 190 / 10 (без змяненняў).
Архітэктурны факультэт: 43 / 63 (+3 бюджэтныя і +3 платныя месцы).
Будаўнічы факультэт: 165 / 35 (+15 бюджэтнікаў і +2 платнікі).
Прыборабудаўнічы факультэт: 235 / 5 (+15 бюджэтнікаў).
Факультэт транспартных камунікацый: 185 / 10 (+25 бюджэтнікаў і –3 платнікі).
Спартыўна-тэхнічны факультэт: 57 / 3 (+8 месцаў на бюджэце).
БДУІР
Сёлета галоўная ІТ-ВНУ краіны пачне набіраць абітурыентаў на чатыры новыя спецыяльнасці.
Будынак БДУІР у Мінску
© Photo : БГУИР
На "электроннае машынабудаванне" плануюць прыняць 25 бюджэтнікаў і 5 платнікаў; на "кіберфізічныя сістэмы" – 50 бюджэтнікаў і 10 платнікаў; на "лічбавы маркетынг" – 15 бюджэтнікаў і 75 платнікаў. На спецыяльнасць "мікра- і нанаэлектроніка", якая будзе адкрыта ў магістратуры, ВНУ мае намер залічыць 60 бюджэтнікаў.
Агульная раскладка па ўсіх факультэтах выглядае так (у параўнанні з прыёмам 2023):
Факультэт камп’ютарнага праектавання: бюджэт – 255 / платнае – 135 (+45 на бюджэце і –45 на платным);
Факультэт інфармацыйных тэхналогій і кіравання: 215 / 190 (бюджэт без змяненняў, на платным –30 месцаў);
Факультэт радыётэхнікі і электронікі (з улікам магістратуры): 230 / 30 (+35 на бюджэце і –10 на платным);
Факультэт камп’ютарных сістэм і сетак: 215 / 205 (бюджэт без змяненняў, на платным –45 месцаў);
Факультэт інфармацыйнай бяспекі: 175 / 90 (+5 на бюджэце і +25 на платным);
Інжынерна-эканамічны факультэт: 100 / 260 (бюджэт без змяненняў і +6 на платным).
БДМУ
Сёлета альма-матар беларускіх медыкаў плануе прыняць 975 бюджэтнікаў (з іх 675 па мэтавым накіраванні) і 150 платнікаў.
БДМУ
© Sputnik / Валерия Берекчиян
На ўсе факультэты, акрамя медыка-прафілактычнага, павялічаны набор мэтавікоў. На лячэбны – амаль у два разы ў параўнанні з мінулым годам.
Лячэбны факультэт: 340 бюджэтнікаў (сярод іх 238 мэтавікоў) / 50 платнікаў.
Медыка-прафілактычны факультэт: 100 (60) / 10.
Стаматалагічны факультэт: 200 (160) / 20.
Педыятрычны факультэт: 210 (168) / 20.
Фармацэўтычны: 70 (49) / 20.
Ваенна-медыцынскі інстытут: толькі бюджэт – 55.
Азнаёміцца з кантрольнымі лічбамі прыёму ў Беларускі дзяржаўны медыцынскі ўніверсітэт можна тут.
БДПУ
Беларускі дзяржаўны педагагічны ўніверсітэт імя Максіма Танка плануе прыняць 1 040 бюджэтнікаў (на 150 больш, чым год таму) і 330 платнікаў (на 65 менш, чым год таму) на дзённую форму атрымання адукацыі.
Беларускі дзяржаўны педагагічны ўніверсітэт імя М. Танка
© Sputnik / Станислав Лобатый
Па факультэтах лічбы размясціліся наступным чынам:
Фізіка-матэматычны факультэт: бюджэт – 120 / платнае – 5.
Факультэт прыродазнаўства: 90 / 15.
Гістарычны факультэт: 50 / 40.
Філалагічны факультэт: 70 / 5.
Факультэт дашкольнай адукацыі: 145 / 5.
Факультэт пачатковай адукацыі: 125 / 5.
Факультэт эстэтычнай адукацыі: 35 / 25.
Факультэт сацыяльна-педагагічных тэхналогій: 100 / 15.
Інстытут інклюзіўнай адукацыі: 165 / 60.
Факультэт фізічнага выхавання: 65 / 100.
Інстытут псіхалогіі: 75 / 55.
БДТУ
Сёлета тэхналагічны ўніверсітэт Беларусі вырашыў не вельмі ў адрозненне ад вышэйназваных ВНУ змяніць лічбы прыёму. У 2024-м бюджэтных месцаў тут стане крыху больш (1 100 супраць 1 055 у 2023 годзе), а колькасць платных месцаў не зменіцца – 400.
Беларускі дзяржаўны тэхналагічны ўніверсітэт (БДТУ)
© Sputnik / Любоў Каспяровіч
МДЛУ
Мінскі дзяржаўны лінгвістычны ўніверсітэт і ўвогуле плануе залічыць на першы курс сёлета амаль на 150 чалавек менш, чым у 2023-м. Гэта вынікае з апублікаванага плана прыёму-2024.
На спецыяльнасць "сучасныя замежныя мовы (з указаннем моў)" маюць намер набраць 400 чалавек за кошт бюджэту (у мінулым годзе 410) і 310 чалавек на платнай аснове (у мінулым годзе 350). На "перакладчыцкую справу" зацвердзілі такія лічбы: 52 бюджэтнікі (у 2023-м – 56) і 230 платнікаў (год таму – 250).
МДЛУ
© Sputnik / Виктор Толочко
На спецыяльнасці "лінгвістычнае забеспячэнне міжкультурнай камунікацыі" сёлета выдзелена 52 месцы на бюджэце (у мінулым годзе 55) і 150 месцаў на платным (170). На "лінгвістычную адукацыю" – 100 месцаў на бюджэце (у мінулым годзе 89) і 50 на платным (110).
Тэрміны прыёмнай кампаніі-2024
Цяперашняя ўступная кампанія пачалася 20 сакавіка з рэгістрацыі на цэнтралізаваны экзамен. Першы ЦЭ – па любым прадмеце на выбар – выпускнікі школ будуць здаваць 27 мая. Другое выпрабаванне – па беларускай ці рускай мове – адбудзецца 30 мая.
У гэтыя ж дні пройдзе цэнтралізаванае тэсціраванне. Акрамя таго, ЦТ правядуць 3 і 6 чэрвеня. Абітурыенты, якія паступаюць у ВНУ пасля школы, здаюць тэсціраванне па адным прадмеце, выпускнікі мінулых гадоў і каледжаў – тры ЦТ.
Падача дакументаў у ВНУ ў рамках асноўнага прыёму ў гэтым годзе пачнецца 12 ліпеня. Больш падрабязна аб тэрмінах прыёмнай кампаніі 2024 глядзіце ў інфаграфіцы Sputnik.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"