МІНСК, 8 кра – Sputnik. Змяніўшы тэхрэгламент па харчовых дабаўках, Еўразійская эканамічная камісія (ЕЭК) скараціла пералік з 362 да 349 пазіцый, паведаміў міністр па тэхнічным рэгуляванні ЕЭК Валянцін Татарыцкі падчас відэамоста ў мультымедыйным прэс-цэнтры Sputnik Беларусь.
Ён таксама растлумачыў, што са спіска выключылі 19 дабавак і ўвялі 6 новых. У тым ліку з пераліку выключылі падсаладжальнік стэвія.
"Але не ўсе мадыфікацыі гэтага падсаладжальніка трапілі пад забарону", - удакладніў Татарыцкі.
Міністр дадаў, што пад забарону трапіла менавіта тая стэвія, якая не абазначаецца кодам з літарай "Е".
Ён таксама нагадаў, што спісак дабавак не мяняўся дзесяць гадоў, і ўжо ўстарэў.
"Мяняюцца тэхналогіі, мяняюцца рэцэптуры... Частка харчовых дабавак становяцца неактуальнымі", - падкрэсліў прадстаўнік ЕЭК.
Раней паведамлялася, што з 27 лютага набыла моц новая рэдакцыя тэхрэгламенту па харчовых дабаўках. Некалькі відаў кансервантаў, рэгулятараў кіслотнасці і іншых харчовых дабавак прыбралі са спіска дазволеных у ЕАЭС.
Дакументам прадугледжаны пераходны перыяд 36 месяцаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"