МІНСК, 9 кра – Sputnik. Рэгістрацыя на здачу цэнтралізаванага тэсціравання стартуе сёння ў Беларусі, паведамляе Sputnik.
Зарэгістравацца для ўдзелу ў ЦТ абітурыенты могуць да 22 красавіка. Зрабіць гэта можна двума спосабамі:
запоўніўшы электронную форму на сайце РІКВ;
непасрэдна ў пункце рэгістрацыі.
У другім выпадку пры сабе неабходна мець дакумент, які сведчыць асобу – пашпарт, ID-карту, від на жыхарства і гэтак далей.
За прыём і афармленне дакументаў трэба ўнесці плату ў памеры 0,1 базавай велічыні (4 рублі) за адзін навучальны прадмет. Потым у пункце рэгістрацыі неабходна атрымаць пропуск на ЦТ. Пасля гэтага працэс рэгістрацыі будзе лічыцца завершаным.
Цэнтралізаванае тэсціраванне праводзяць па 15 вучэбных прадметах. У гэтым годзе ЦТ пройдзе раней, чым звычайна – 27 і 30 мая, а таксама 3 і 6 чэрвеня. Рэзервовыя дні здачы – 19, 21 і 23 чэрвеня. У якія дні і па якіх прадметах пройдуць выпрабаванні, можна паглядзець у нашай інфаграфіцы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"