МІНСК, 11 кра – Sputnik. Народны мастак Беларусі Іван Міско пачаў стварэнне скульптурнай кампазіцыі, прысвечанай палёту ў космас першага касманаўта суверэннай Беларусі Марыны Васілеўскай.
"У цяперашні час ідзе творчы працэс, ідзе праца над гэтай скульптурнай кампазіцыяй, таму рана яшчэ раскрываць дэталі", - паведаміў Sputnik ён.
Паводле яго слоў, варыянтаў скульптуры шмат, трэба ўзгадніць і зацвердзіць канчатковы варыянт.
"Мы будзем узгадняць і з Марынай Васілеўскай, і з Алегам Навіцкім, калі ў іх скончыцца перыяд рэабілітацыі", - сказаў Міско.
Пры гэтым ён паведаміў, што ўжо з вялікай доляй верагоднасці можна гаварыць: скульптурная кампазіцыя, прысвечаная палёту першага касманаўта суверэннай Беларусі, будзе з бронзы і граніту.
Міско ў чацвер прысутнічаў на цырымоніі ўшанавання беларускіх касманаўтаў у Палацы Незалежнасці, дзе ў тым ліку абмяркоўвалася пытанне стварэння скульптуры.
Нагадаем, 11 красавіка прэзідэнт рэспублікі Аляксандр Лукашэнка прысвоіў Васілеўскай званне Героя Беларусі, касманаўту-выпрабавальніку Алегу Навіцкаму аб’яўлена падзяка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"