МІНСК, 12 кра – Sputnik. Наталля Качанава выбрана спікерам Савета Рэспублікі Нацыянальнага сходу Беларусі, паведаміла прэс-служба верхняй палаты парламента.
Тайнае галасаванне новага складу Савета адбылося ў пятніцу, 12 красавіка.
"Па выніках тайнага галасавання член Савета Рэспублікі Наталля Іванаўна Качанава выбрана старшынёй Савета Рэспублікі Нацыянальнага сходу восьмага склікання", - гаворыцца ў паведамленні.
Пры гэтым адзначаецца, што бюлетэні для галасавання атрымалі 58 членаў Савета Рэспублікі, за Качанаву прагаласавалі ўсе.
На першым пасяджэнні сесіі прысутнічаў шэраг чыноўнікаў, у тым ліку прэм’ер-міністр Раман Галоўчанка, старшыня Палаты прадстаўнікоў Ігар Сяргеенка, кіраўнік Канстытуцыйнага суда Пётр Міклашэвіч, дзяржсакратар Савета бяспекі Аляксандр Вальфовіч і іншыя.
Нагадаем, у аўторак, 9 красавіка ЦВК Беларусі прыняў пастанову аб устанаўленні вынікаў выбараў у Савет Рэспублікі Нацыянальнага сходу Беларусі. Усяго ў верхнюю палату парламента Беларусі ўваходзяць 64 члены (сенатара) – па восем ад кожнай вобласці і сталіцы, яшчэ восем прызначае кіраўнік дзяржавы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"